പാര്ക്ക് ചെയ്ത സ്കൂട്ടര് മോഷ്ടിച്ച കേസില് സ്ത്രീയടക്കം രണ്ടു പേര് പിടിയില്
അമ്പലവയല്: ഒന്നെയാര് സ്വദേശിയുടെ സ്കൂട്ടര് മോഷണം പോയ കേസില് കുറ്റിപ്പുറം കൈപ്പള്ളി വീട്ടില് ഷാഹുല് ഹമീദ് (40), അമ്പലവയല് ചക്രൂട്ടി വയല് കാര്യാടന് വീട്ടില് ആയിഷ (60) എന്നിവരെയാണ് അമ്പലവയല് സ്റ്റേഷന് എസ്.എച്ച്.ഓ രാംകുമാറിന്റെ നേതൃത്വത്തില് പിടികൂടിയത്. 21.01.2026 തിയ്യതി അമ്പലവയല് ടൗണില് സെന്റ് മാര്ട്ടിന് ഹോസ്പിറ്റലിന് എതിര്വശം ഡെല്റ്റ ബേക്കറിയുടെ മുന്വശം പാര്ക്ക് ചെയ്ത സ്കൂട്ടറാണ് മോഷണം പോയത്. ഷാഹുല് ഹമീദ് കോഴിക്കോട് ടൌണ് പോലീസ് സ്റ്റേഷനില് സമാനരീതിയില് മോട്ടോര് സൈക്കിള് മോഷ്ടിച്ച കേസിലും ഉള്പ്പെട്ടയാളാണ്. അസി.സബ് ഇന്സ്പെക്ടര്മാരായ എം.കെ സനല്, പി.ജമീല, സിവില് പോലീസ് ഓഫീസര് അഖില് എന്നിവരും പോലീസ് സംഘത്തിലുണ്ടായിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്