'ഒന്നുകില് അധ്യക്ഷനെ പ്രഖ്യാപിക്കണം, ഇല്ലെങ്കില് സംഘടന പിരിച്ചുവിടണം' ;വിമര്ശന പോസ്റ്റുമായി യൂത്ത് കോണ്ഗ്രസ് സംസ്ഥാന ജനറല് സെക്രട്ടറി ജഷീര് പള്ളിവയല്
കല്പ്പറ്റ: സ്ഥാനമൊഴിഞ്ഞ യൂത്ത് കോണ്ഗ്രസ് സംസ്ഥാന അധ്യക്ഷന് പകരക്കാരനെ പ്രഖ്യാപിക്കാത്തതില് പരസ്യ പ്രതിഷേധവുമായി യൂത്ത് കോണ്ഗ്രസ് സംസ്ഥാന ജനറല് സെക്രട്ടറി ജഷീര് പള്ളിവയല് രംഗത്ത്. നാഥനില്ലാ കളരിയല്ലേ നമ്മുടെ കോണ്ഗ്രസ് എന്നും, ഒന്നുകില് അധ്യക്ഷനെ പ്രഖ്യാപിക്കണം, ഇല്ലെങ്കില് സംഘടന പിരിച്ചുവിടണമെന്നാവശ്യപ്പെട്ട് അദ്ദേഹം ഫേസ്ബുക്കില് പോസ്റ്റിട്ടു. കുന്നംകുളത്ത് യൂത്ത് കോണ്ഗ്രസ് നേതാവിനെ പൊലീസ് സ്റ്റേഷനിലെത്തിച്ച് മര്ദ്ദനത്തിന് വിധേയനാക്കുന്ന ദൃശ്യങ്ങള് പുറത്ത് വന്നിരുന്നു. ചൊവ്വന്നൂര് മണ്ഡലം പ്രസിഡന്റ് സുജിത്ത് വി എസിനെ പൊലീസ് മര്ദ്ദിച്ചതിന്റെ ദൃശ്യങ്ങളാണ് പുറത്തുവന്നത്. 2023 ഏപ്രില് അഞ്ചിനായിരുന്നു സംഭവം നടന്നത്. എസ്ഐ നുഹ്മാന്, സിപിഒമാരായ ശശീന്ദ്രന്, സന്ദീപ്, സജീവന് എന്നിവരാണ് സുജിത്തിനെ ക്രൂരമായി മര്ദിച്ചത്. ഈ സംഭവത്തില് യൂത്ത് കോണ്ഗ്രസ് പ്രതിഷേധത്തിന് ചുക്കാന് പിടിക്കാന് ആളില്ലാത്ത സാഹചര്യമാണുള്ളത്. ഇതിന്റെ പശ്ചാത്തലത്തിലാണ് കല്പ്പറ്റ ബ്ലോക്ക് പഞ്ചായത്തംഗം കൂടിയായ ജഷീറിന്റെ പ്രതികരണം. 'അടികൊണ്ടവര്ക്കേ
ആ വേദന തിരിച്ചറിയൂ' എന്നും അദ്ദേഹം കമന്റിട്ടിട്ടുണ്ട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്