ലഹരിക്കെതിരെ ക്യാമ്പയിനുമായി വയനാട് ജില്ലാ പോലീസ്; കല്‍പ്പറ്റ നഗരത്തില്‍ ദീര്‍ഘ ദൂര ഓട്ടം നടത്തി
കല്‍പ്പറ്റ: ലഹരി ഉപയോഗം കുട്ടികളിലും മുതിര്‍ന്നവരിലും വര്‍ദ്ധിച്ചുവരുന്ന സാഹചര്യത്തില്‍ ലഹരിക്കെതിരെ ക്യാമ്പയിനുമായി വയനാട് ജില്ലാ പോലീസ്. 'സേ നോ ടൂ ഡ്രഗ്‌സ്, യെസ് ടൂ ഫിറ്റ്‌നസ്' (Say No to Drugs, yes to Fitness)എന്ന ആപ്ത വാക്യവുമായി ജില്ലാ പോലീസ് മേധാവി തപോഷ് ബസുമതാരി ഐ. പി. എസിന്റെ നേതൃത്വത്തില്‍ കല്‍പ്പറ്റ നഗരത്തില്‍ ദീര്‍ഘ ദൂര ഓട്ടം നടത്തി ക്യാമ്പയിന് തുടക്കം കുറിച്ചു. കുട്ടികള്‍ മുതല്‍ മുതിര്‍ന്നവരെ വരെ ലഹരിയുടെ വലയിലാക്കുവാന്‍ തക്കം പാര്‍ത്തിരിക്കുകയാണ് ലഹരി മാഫിയ. ഓരോ ചുവടുവെപ്പിലും നാം ജാഗരൂകരായിരിക്കണമെന്ന് ജില്ലാ പോലീസ് മേധാവി അറിയിച്ചു. ലഹരിക്കെണിയില്‍ വീഴാതിരിക്കാനും ആരോഗ്യം നിലനിര്‍ത്തുന്നതിനും ജീവിതം ലഹരിയാക്കി മുന്നോട്ടു കുതിക്കുക. ആരോഗ്യത്തോടെയുള്ള ചുവടുവെപ്പില്‍ മയക്കുമരുന്ന് മാഫിയ ഞെരിഞ്ഞമരട്ടെയെന്ന് അദ്ദേഹം ആഹ്വാനം ചെയ്തു.
ലഹരി മാഫിയക്കെതിരെ കര്‍ശന നടപടികള്‍ തുടരും. ജില്ലാതിര്‍ത്തികളിലും ജില്ലയിലെല്ലായിടത്തും കര്‍ശന പരിശോധനകള്‍ തുടരും. ജില്ലയിലേക്കും സംസ്ഥാനത്തിലേക്കുമുള്ള ലഹരി ഒഴുക്ക് തടയും. വിദ്യാലയ പരിസരം കേന്ദ്രീകരിച്ചും പരിശോധനകള്‍ നടത്തും.
ലഹരിക്കടത്തോ ഉപയോഗമോ വില്‍പ്പനയോ ശ്രദ്ധയില്‍ പെട്ടാല്‍ ഉടന്‍ പോലീസിനെ അറിയിക്കുക
യോദ്ധാവ്: 9995966666
ഡി.വൈ.എസ്.പി നര്‍കോട്ടിക് സെല്‍ : 9497990129
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍