വന്യമൃഗ ആക്രമണ മരണം: ആശ്രിതര്‍ക്ക് സ്ഥിരം ജോലി നല്‍കണം: രമേശ് ചെന്നിത്തല
മാനന്തവാടി: വന്യമൃഗ ആക്രമണങ്ങളില്‍ കൊല്ലപ്പെടുന്നവരുടെ ആശ്രിതര്‍ക്ക് സര്‍ക്കാര്‍ നല്‍കുന്ന താല്‍ക്കാലിക ജോലി സ്ഥിര നിയമനമാക്കണമെന്ന് മുന്‍ പ്രതിപക്ഷ നേതാവ് രമേശ് ചെന്നിത്തല എം.എല്‍.എ ആവശ്യപ്പെട്ടു. കടുവയുടെ ആക്രമണത്തില്‍ കൊല്ലപ്പെട്ട പഞ്ചാരക്കൊല്ലി തറാട്ട് രാധയുടെ വീട് സന്ദര്‍ശിച്ചതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. വിഷയം വനം മന്ത്രിയുടെ ശ്രദ്ധയില്‍പ്പെടുത്തും.നിയമസഭയിലും പ്രശ്‌നംനം ഉന്നയിക്കുമെന്നും അദ്ദേഹം പറഞ്ഞു. നേതാക്കളായ കെ.എല്‍.പൗലോസ്, അഡ്വ.എന്‍.കെ.വര്‍ഗീസ്, സി.അബ്ദുള്‍ അഷറഫ്, എ.എം.നിഷാന്ത്, ജേക്കബ് സെബാസ്റ്റ്യന്‍, ടി. ഉഷകുമാരി മുജീബ് കോടിയോടന്‍, സി.എച്ച്.സുഹൈര്‍ എന്നിവര്‍ അദ്ദേഹത്തെ അനുഗമിച്ചിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍