വീട്ടില്‍ ഒളിപ്പിച്ച് വെച്ച 40 ലിറ്റര്‍ വാഷ് പിടികൂടി; വീട്ടുടമയെ അറസ്റ്റ് ചെയ്തു
മാനന്തവാടി: മാനന്തവാടി എക്‌സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍ പി.ആര്‍ ജിനോഷും സംഘവും മാനന്തവാടി താലൂക്കില്‍ അഞ്ചുകുന്ന് പേരാട്ട് കുന്ന് ഭാഗത്ത് നടത്തിയ പരിശോധനയില്‍ വീട്ടില്‍ ഒളിപ്പിച്ച് വെച്ച 40 ലിറ്റര്‍ വാഷ് പിടികൂടി. സംഭവവുമായി ബന്ധപ്പെട്ട് വീട്ടുടമയായ അഞ്ചുകുന്ന് പേരാട്ട് കുന്ന് താന്നിക്കല്‍ വീട്ടില്‍ സുനില്‍ ബാബു (47) വിനെ അറസ്റ്റ് ചെയ്തു. ഇയാളെ മാനന്തവാടി ജെഎഫ്‌സിഎം II കോടതി റിമാന്റ് ചെയ്തു. റെയ്ഡില്‍ പ്രിവന്റീവ് ഓഫീസര്‍ ദിപു.എ, സിവില്‍ എക്‌സൈസ് ഓഫീസര്‍ സനൂപ് കെ.എസ്, വനിത സിവില്‍ എക്‌സൈസ് ഓഫീസര്‍ വീണ എം.കെ എന്നിവര്‍ പങ്കെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍