മേപ്പാടി: അപകടങ്ങള്‍ മൂലം കിടപ്പിലായവര്‍ക്ക് പ്രത്യേക മെഡിക്കല്‍ ക്യാമ്പുമായി ഡോ.മൂപ്പന്‍സ്  മെഡിക്കല്‍ കോളേജ് ഫിസിക്കല്‍ മെഡിസിന്‍ ആന്റ് റീഹാബിലിറ്റേഷന്‍ വിഭാഗം. ആശുപത്രിയില്‍ 2024 നവംബര്‍ 7 വരെ നീണ്ടുനില്‍ക്കുന്ന പ്രത്യേക ക്യാമ്പിന് ഫിസിക്കല്‍ മെഡിസിന്‍  വിഭാഗം മേധാവി ഡോ.ബബീഷ്  ചാക്കോ, കണ്‍സള്‍ട്ടന്റ് ഡോ.രജ്‌ന രവീന്ദ്രന്‍ എന്നിവര്‍ നേതൃത്വം നല്‍കും.
പക്ഷാഘാതം മൂലമോ , നട്ടെല്ലിന് ക്ഷതമേറ്റോ , അപകടങ്ങള്‍ മൂലമോ , മസ്തിഷ്‌ക ക്ഷതമേറ്റോ
കിടപ്പിലായവര്‍,  അംഗവൈകല്യമുള്ളവര്‍ , തുടര്‍ച്ചയായി ശരീര വേദനയുള്ളവര്‍, സെറിബ്രല്‍ പാള്‍സി, ഡയബറ്റിക് ഫൂട്ട് എന്നിവ ബാധിച്ചവര്‍ തുടങ്ങിയവര്‍ക്കെല്ലാം ഈ
ക്യാമ്പില്‍ പങ്കെടുക്കാവുന്നതാണ്.  ക്യാമ്പില്‍ പങ്കെടുക്കുന്നവര്‍ക്ക് ഡോക്ടറുടെ സൗജന്യ പരിശോധന,  ഒ പി സേവനങ്ങളില്‍ 50% ഇളവോടുകൂടി സ്‌കാനിങ്, എക്‌സ്-റേ, ലബോറട്ടറി പരിശോധനകള്‍ എന്നിവയും കിടത്തി ചികിത്സയില്‍ ദിവസേന നല്‍കി വരുന്ന പാക്കേജുകളില്‍ വാര്‍ഡുകളില്‍ 40% വും റൂമുകളില്‍ 25% ഇളവും  ലഭ്യമായിരിക്കും. കൂടുതല്‍ വിവരങ്ങള്‍ക്കും  ബുക്കിങ്ങിനും 8589000456 എന്ന നമ്പറിലോ 8111881051 എന്ന നമ്പറിലോ വിളിക്കുക.