കോണ്ക്രീറ്റ് പൊളിച്ചു നീക്കുന്നതിനിടെ അപകടം; പരുക്കേറ്റ് ചികിത്സയിലായിരുന്ന യുവാവ് മരിച്ചു
കല്പ്പറ്റ: കോണ്ക്രീറ്റ് പൊളിക്കുന്നതിനിടെയുണ്ടായ അപകടത്തില് പരുക്കേറ്റ് ചികിത്സയിലായിരുന്ന കണിയാമ്പറ്റ സ്വദേശി മരിച്ചു. കണിയാമ്പറ്റ കെ എസ് ഇ ബി കുന്ന് സ്വദേശി മൂപ്പില് മുഹമ്മദിന്റെ മകന് താജുദ്ദീന് (38) ആണ് മരിച്ചത്.
ബത്തേരി ബീനാച്ചിക്ക് സമീപം ഇന്നലെ വൈകിട്ടായിരുന്നു സംഭവം. ജോലിക്കിടെ റിട്ടേണ് വാളിനായി സ്ഥാപിച്ച കോണ്ക്രീറ്റ് പില്ലര് മുറിച്ച് നീക്കുന്നതിനിടെ ദേഹത്തെക്ക് വീണതിനെ തുടര്ന്ന് സാരമായി പരിക്കേറ്റ താജുദ്ദീനെ ആദ്യം ബത്തേരി ഇക്ര ആശുപത്രിയിലും പിന്നീട് വിദഗ്ധ ചികിത്സാര്ത്ഥം മേപ്പാടി വിംസ് ആശുപത്രിയിലേക്കും കൊണ്ടുപോയിരുന്നു. ഒടുവില് ചികിത്സയിലിരിക്കെ രാത്രി പത്തരയോടെ മരിക്കുകയായിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്