പ്രബന്ധ ഹ്രസ്വചിത്ര നിര്‍മാണ മത്സരം
കേന്ദ്ര കുടിവെള്ള ശുചിത്വ മന്ത്രാലയത്തിന്റെയും സ്വച്ഛ് ഭാരത് മിഷന്റെയും സഹകരണത്തോടെ നെഹ്‌റു യുവ കേന്ദ്ര പ്രബന്ധരചന ഹ്രസ്വചിത്ര നിര്‍മമാണ മത്സരങ്ങള്‍ സംഘടിപ്പിക്കുന്നു. 15നും 29നും ഇടയില്‍ പ്രായമുള്ളവര്‍ക്ക് മത്സരത്തില്‍ പങ്കെടുക്കാം. ഒരു മണിക്കൂര്‍ ദൈര്‍ഘ്യമുള്ള പ്രബന്ധരചനാ മത്സരം സപ്തംബര്‍ 2ന് രാവിലെ 10ന് കല്‍പ്പറ്റ ഹോട്ടല്‍ ഹരിതഗിരിക്കു സമീപം നെഹ്‌റു യുവ കേന്ദ്രയില്‍ നടക്കും. ‘വൃത്തിയുള്ള ഇന്ത്യക്കായി എനിക്കെന്ത് ചെയ്യാന്‍ കഴിയും' എന്നതാണ് വിഷയം. താല്‍പര്യമുള്ളവര്‍ വയസ്സ് തെളിയിക്കുന്ന രേഖയുമായി മത്സരത്തിന് എത്തണം.
'രാജ്യത്തെ വൃത്തിയുള്ളതാക്കാന്‍ എന്റെ സംഭാവന' എന്നതാണ് ഹ്രസ്വ ചിത്ര നിര്‍മാണത്തിനുള്ള പ്രമേയം. ദൈര്‍ഘ്യം രണ്ടു മുതല്‍ മൂന്ന് മിനുറ്റ് വരെ. മത്സരത്തിനായി തയ്യാറാക്കിയ ഹ്രസ്വ ചിത്രം സെപ്റ്റംബര്‍ 5 നകം സി.ഡി.യിലാക്കി കല്‍പ്പറ്റ നെഹ്‌റു യുവ കേന്ദ്ര ജില്ലാ യൂത്ത് കോര്‍ഡിനേറ്റര്‍ക്ക് സമര്‍പ്പിക്കണം. വിജയികളാകുന്നവര്‍ക്ക് സര്‍ട്ടിഫിക്കറ്റുകളും സമ്മാനങ്ങളും നല്‍കും. ഫോണ്‍ 04936202330.
