ദേശീയ ലോക് അദാലത്ത് 28ന്
ജില്ലാ ലീഗല് സര്വ്വീസസ് അതോറിറ്റി കല്പ്പറ്റ, സുല്ത്താന് ബത്തേരി, മാനന്തവാടി കോടതികളില് ആഗസ്റ്റ് 28ന് ദേശീയ ലോക് അദാലത്ത് നടത്തും. അദാലത്തില് ചെക്ക് കേസുകള്, ബാങ്ക് ലോണ് സംബന്ധമായ പരാതികള്, തൊഴില് സംബന്ധമായ തര്ക്കങ്ങള്, ഇലക്ട്രിസിറ്റി, വെള്ളക്കരം, കുടുംബതര്ക്കങ്ങള് സംബന്ധിച്ച പരാതികള് പൊതുജനങ്ങളില് നിന്ന് നേരിട്ട് ആഗസ്റ്റ് 16ന് മുമ്പ് അതത് കേന്ദ്രങ്ങളിലെ ലീഗല് സര്വീസസ് കമ്മിറ്റി ഓഫീസുകളില് സ്വീകരിക്കും. കൂടാതെ കോടതികളില് നിലവിലുള്ള ഒത്തുതീര്പ്പാക്കാവുന്ന ക്രിമിനല് കേസുകള്, ചെക്ക് കേസുകള്, ബാങ്ക്ലോണ് സംബന്ധിച്ച കേസുകള്, വാഹനാപകട നഷ്ടപരിഹാര കേസുകള്, വൈവാഹിക കേസുകള്, ശമ്പളം മറ്റ് ആനുകൂല്യങ്ങള്, പെന്ഷന് തുടങ്ങിയ സര്വീസ് കേസുകള്, ജില്ലാ കോടതിയിലും ഹൈക്കോടതിയിലും നിലവിലുള്ള റവന്യൂ കേസുകള്, വാടക സംബന്ധിച്ച കേസുകള്, ഇന്ജക്ഷന് സ്യൂട്ടുകള് തുടങ്ങിയ മറ്റ് സിവില് കേസുകളും പരിഗണിക്കും. വിവരങ്ങള്ക്ക് 04936 207800.