ഓട്ടോറിക്ഷ പുതിയ പെര്മിറ്റ്
കല്പ്പറ്റ ടൗണില് ഓട്ടോറിക്ഷകള്ക്ക് പുതിയ പെര്മിറ്റ് അനുവദിക്കുന്നതിന് അപേക്ഷ ക്ഷണിച്ചു. അനുവദിക്കുന്ന പെര്മിറ്റുകള് മുന്ഗണനാക്രമത്തിലും സംവരണാടിസ്ഥാനത്തിലുമാണ് നല്കുക. നഗരസഭാ പരിധിയിലെ സ്ഥിരതാമസക്കാര്ക്ക് അപേക്ഷിക്കാം. സ്ഥിരതാമസം തെളിയിക്കുന്ന രേഖകള്, സത്യവാങ്മൂലം, വാഹനത്തിന്റെ സാധുവായ രേഖകളുടെ പകര്പ്പ് എന്നിവ ഹാജരാക്കണം. വനിത അപേക്ഷകര്ക്ക് അവരുടെ സ്വന്തം പേരില് വാഹനവും സാധുതയുള്ള ഡ്രൈവിംഗ് ലൈസന്സും ഉണ്ടായിരിക്കണം. അപേക്ഷാ ഫോറം കല്പ്പറ്റ ആര്.ടി.ഒ. ഓഫീസില് ലഭിക്കും. അപേക്ഷ ആഗസ്റ്റ് 10 വരെ സ്വീകരിക്കും. വിവരങ്ങള്ക്ക് ഫോണ് 04936 202607