യൂത്ത്ക്ലബ്ബ് അവാര്ഡ് അപേക്ഷ ക്ഷണിച്ചു
ജില്ലയില് നെഹ്രുയുവ കേന്ദ്രയില് അഫിലിയേറ്റ് ചെയ്ത യൂത്ത് ക്ലബ്ബുകളില് നിന്നും അവാര്ഡിന് അപേക്ഷ ക്ഷണിച്ചു. ആരോഗ്യ ,കുടംബക്ഷേമ, ശുചീകരണ പ്രവര്ത്തനം, തൊഴില് നൈപുണ്യം, സ്ത്രീശാക്തീകരണം, പരിസ്ഥിതി സംരക്ഷണം തുടങ്ങിയ മേഖലയില് ശ്രദ്ധേയമായ പ്രവര്ത്തനം നടത്തിയ ക്ലബ്ബുകള്ക്ക് അവാര്ഡിനായി അപേക്ഷിക്കാം. 2016 ഏപ്രില് 1 മുതല് 2017 മാര്ച്ച് 31 വരെയുള്ള പ്രവര്ത്തനങ്ങള് പരിഗണിച്ചായിരുക്കും അവാര്ഡിനായി തെരഞ്ഞെടുക്കുക. തെരഞ്ഞെടുക്കപ്പെടുന്ന യൂത്ത് ക്ലബ്ബിന് 25000 രൂപയും പ്രശസ്തിപത്രവും ലഭിക്കും. ജില്ലാതലത്തില് തെരഞ്ഞെടുക്കപ്പെടുന്ന ക്ലബ്ബിനെ സംസ്ഥാനതലത്തിലും സംസ്ഥാന തലത്തില് തെരഞ്ഞെടുക്കപ്പെടുന്ന ക്ലബ്ബിനെ ദേശീയതലത്തിലും അവാര്ഡിനായി പരിഗണിക്കും. നിശ്ചിത മാതൃകയില് തയ്യാറാക്കിയ അപേക്ഷകള് ആഗസ്റ്റ് 10 നകം കല്പ്പറ്റയിലെ നെഹ്റു യുവ കേന്ദ്ര ഓഫീസില് ലഭിക്കണം. ഫോണ് 04936 202330
