മോക്ക: വരും മണിക്കൂറുകളില് അതിതീവ്ര ചുഴലിക്കാറ്റാകും; ഞായറാഴ്ച തീരം തൊടും, കേരളത്തില് മഴയ്ക്ക് സാധ്യത
തിരുവനന്തപുരം: തെക്ക് കിഴക്കന് ബംഗാള് ഉള്ക്കടലിലെ മോക്ക ചുഴലിക്കാറ്റ് അടുത്ത മണിക്കൂറുകളില് അതി തീവ്ര ചുഴലിക്കാറ്റായി മാറും. പിന്നീട് വടക്ക് കിഴക്കന് ദിശയില് സഞ്ചരിക്കുന്ന മോക്കാ ചുഴലിക്കാറ്റ്, ഞായറാഴ്ചയോടെ ബംഗ്ലാദേശ് - മ്യാന്മാര് തീരം തൊടും. മോക്ക ചുഴലിക്കാറ്റ് കേരളത്തെ നേരിട്ട് ബാധിക്കുന്നില്ലെങ്കിലും മഴയ്ക്ക് കാരണമാകും. ഒരു ജില്ലയിലും ഇന്ന് പ്രത്യേക ജാഗ്രത മുന്നറിയിപ്പില്ല. എങ്കിലും ഇന്ന് ഉച്ചയോടെ വടക്കന് ജില്ലകളിലും തെക്കന് ജില്ലകളിലും മഴ പ്രതീക്ഷിക്കാം. ഒറ്റപ്പെട്ടയിടങ്ങളില് ശക്തമായ മഴ കിട്ടിയേക്കും. അടുത്ത മണിക്കൂറില് മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം, കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. എന്നാല്, ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് മത്സ്യ ബന്ധനത്തിനായി പോകുന്നവര്ക്ക് കാലാവസ്ഥ വകുപ്പ് ജാഗ്രതാ നിര്ദേശം നല്കുന്നുണ്ട്.
പ്രത്യേക ജാഗ്രതാ നിര്ദേശം
12-05-2023: മധ്യകിഴക്കന് ബംഗാള് ഉള്ക്കടലില് - മണിക്കൂറില് 110 മുതല് 120 കിലോമീറ്റര് വരെ വേഗതയിലും ചില അവസരങ്ങളില് 135 കിലോമീറ്റര് വരെ വേഗതയിലും; തെക്കു-കിഴക്കന് ബംഗാള് ഉള്ക്കടലില് രാവിലെ മുതല് വൈകുന്നേരം വരെ മണിക്കൂറില് 100 മുതല് 110 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 120 കിലോമീറ്റര് വരെ വേഗതയിലും ; മധ്യപടിഞ്ഞാറന് ബംഗാള് ഉള്ക്കടലില് രാവിലെ മണിക്കൂറില് 110 മുതല് 120 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 130 കിലോമീറ്റര് വരെ വേഗതയിലും വൈകുന്നേരത്തോടെ മണിക്കൂറില് 120 മുതല് 130 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 145 കിലോമീറ്റര് വരെ വേഗതയിലും
ആന്ഡമാന് കടലിലും വടക്ക് കിഴക്കന് ബംഗാള് ഉള്ക്കടലിലും മണിക്കൂറില് 50 മുതല് 60 കിലോമീറ്റര് വരെ വേഗതയിലും ചില അവസരങ്ങളില് 70 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യത.
13-05-2023 : മധ്യകിഴക്കന് ബംഗാള് ഉള്ക്കടല്: രാവിലെ : മണിക്കൂറില് 130 മുതല് 140 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 155 കിലോമീറ്റര് വരെ വേഗതയിലും; വൈകുന്നേരത്തോടെ, മധ്യ കിഴക്കന് ബംഗാള് ഉള്ക്കടല്: മണിക്കൂറില് 140 മുതല് 150 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 165 കിലോമീറ്റര് വരെ വേഗതയിലും; വടക്ക്-കിഴക്ക് ബംഗാള് ഉള്ക്കടല്: രാവിലെ മുതല് മണിക്കൂറില് 80 മുതല് 90 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 100 കിലോമീറ്റര് വരെ വേഗതയിലും; രാവിലെ മുതല് രാത്രി വരെ: വടക്ക്-കിഴക്ക് ബംഗാള് ഉള്ക്കടല്: മണിക്കൂറില് 130 മുതല് 140 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 155 കിലോമീറ്റര് വരെ വേഗതയിലും; മധ്യപടിഞ്ഞാറന് ബംഗാള് ഉള്ക്കടല്: മണിക്കൂറില് 100 മുതല് 110 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 120 കിലോമീറ്റര് വരെ വേഗതയിലും വൈകുന്നേരത്തിനു ശേഷം വേഗത കുറയുകയും ചെയ്യും. ; വടക്ക്-പടിഞ്ഞാറന് & തെക്ക്-കിഴക്കന് ബംഗാള് ഉള്ക്കടല്: മണിക്കൂറില് 55 മുതല് 65 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 75 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യത
14-05-2023 : മധ്യകിഴക്കന് ബംഗാള് ഉള്ക്കടലില് രാവിലെ മണിക്കൂറില് 100-110 കി.മീ വേഗതയിലും ചില അവസരങ്ങളില് മണിക്കൂറില് 120 കി.മീ. വരെ വേഗതയിലും; വടക്കുകിഴക്കന് ബംഗാള് ഉള്ക്കടലില് ഉച്ചയ്ക്ക് മുന്പ് മണിക്കൂറില് 125-135 കിലോമീറ്റര് വേഗതയിലും ചില അവസരങ്ങളില് മണിക്കൂറില്150 വരെയും ഉച്ചകഴിഞ്ഞ് വേഗത ക്രമേണ കുറയുന്നു; വടക്കുപടിഞ്ഞാറന് ബംഗാള് ഉള്ക്കടലില് മണിക്കൂറില് 55-65 കി.മീ ചില അവസരങ്ങളില് 75 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യത.
മത്സ്യത്തൊഴിലാളികള്, ചെറുകിട കപ്പലുകള്, ബോട്ടുകള്, ട്രോളറുകള് എന്നിവ മെയ് 12 മുതല് 14 വരെ വടക്കുകിഴക്ക് & മധ്യ ബംഗാള് ഉള്ക്കടലിലും ആന്ഡമാന് കടലിലും പോകരുതെന്ന് നിര്ദ്ദേശമുണ്ട്. ( നിര്ദ്ദേശം പുറപ്പെടുവിച്ച സമയവും തീയതിയും: 01.30 PM 11.05.2023)
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്