തിരുത്തല്‍ പ്രസ്താവന
വായ്പ എഴുതിത്തള്ളല്‍ സംസ്ഥാന സര്‍ക്കാര്‍ അനുവദിച്ച തുക സഹകരണ ബാങ്കുകള്‍ക്ക് കൈമാറുന്നതിനുള്ള താമസം കാരണം നാല്‍പ്പതിനായിരത്തിലേറെ പട്ടികജാതി വര്‍ഗ്ഗ വിഭാഗക്കാര്‍ ജപ്തി ഭീഷണി നേരിടുന്നുവെന്നും സംസ്ഥാന പട്ടികജാതി പട്ടിക വര്‍ഗ്ഗ വികസന കോര്‍പ്പറേഷന്റെ അനാസ്ഥയാണ് ഇതിന് കാരണമെന്നും സൂചിപ്പിച്ചുകൊണ്ടുള്ള പത്രവാര്‍ത്ത വസ്തുതാ വിരുദ്ധമാണെന്ന് സംസ്ഥാന പട്ടികജാതി പട്ടിക വര്‍ഗ്ഗ വികസന കോര്‍പ്പറേഷന്‍ അറിയിച്ചു. ഈ ആവശ്യത്തിനായി സംസ്ഥാന സര്‍ക്കാര്‍ അനുവദിച്ച 88,53,64,000 രൂപയ്ക്കുള്ള ചെക്ക് കഴിഞ്ഞ ഏപ്രിലില്‍ തന്നെ സംസ്ഥാന സഹകരണ സംഘം രജിസ്ട്രാര്‍ക്ക് കൈമാറുകയും ധനകാര്യവകുപ്പിന്റെ വെയില്‍സ് ആന്റ് മീന്‍സ് ക്ലിയറന്‍സ് ജൂണില്‍ ലഭ്യമാക്കിയതുമാണ്. കൈമാറിയ തുകയില്‍ പകുതിയോളം വിവിധ സഹകരണ സംഘങ്ങള്‍ക്ക് അനുവദിക്കുന്നതിനുള്ള നടപടികള്‍ പൂര്‍ത്തിയായതായി സഹകരണ സംഘം രജിസ്ട്രാര്‍ ഓഫീസില്‍ നിന്നും അറിയാന്‍ കഴിഞ്ഞിട്ടുണ്ടെന്ന് കോര്‍പ്പറേഷന്‍ അറിയിച്ചു.
