സംസ്ഥാനത്ത് ആറ് ജില്ലകളില് വേനല് ചൂട് കനക്കും
തിരുവനന്തപുരം: സംസ്ഥാനത്ത് 6 ജില്ലകളില് വേനല് ചൂട് കനക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. പാലക്കാട് കോഴിക്കോട് കണ്ണൂര് തൃശ്ശൂര് കോട്ടയം ആലപ്പുഴ ജില്ലകളിലാണ് താപനില ഉയരുക.പാലക്കാട് ചൂട് 40 ഡിഗ്രി സെല്ഷ്യസിനടുത്തെത്തും. മറ്റു ജില്ലകളില് സാധാരണയില് നിന്ന് രണ്ടു മുതല് 4 ഡിഗ്രി സെല്ഷ്യസ് വരെ കൂടുതല് ചൂട് പ്രതീക്ഷിക്കാം. കാലാവസ്ഥാവകുപ്പിന്റെ ഔദ്യോഗിക കണക്ക് പ്രകാരം കഴിഞ്ഞദിവസം വിവിധ ജില്ലകളില് കനത്ത ചൂടാണ് അനുഭവപ്പെട്ടത്. ഒരാഴ്ചയ്ക്കിടെ ഒറ്റപ്പെട്ട സ്ഥലങ്ങളില് മിന്നലോട് കൂടിയ വേനല് മഴയ്ക്കും സാധ്യതയുണ്ട്.
കേരളത്തില് താപതരംഗം സംഭവിച്ചു കഴിഞ്ഞുവെന്നാണ് ശാസ്ത്ര ലേഖകന് രാജഗോപാല് കമ്മത്ത് ട്വന്റിഫോറിനോട് പറഞ്ഞത്. ഈ വര്ഷത്തെ ചൂട് അസ്വാഭാവികമാണെന്നും കഴിഞ്ഞ ദശകത്തിലേക്കാള് ചൂട് അനുഭവപ്പെടുന്നുണ്ടെന്നും രാജഗോപാല് കമ്മത്ത് പറഞ്ഞു.കേരളത്തില് താപതരംഗം പ്രഖ്യാപിക്കേണ്ട സമയം അതിക്രമിച്ചുവെന്നും അടുത്ത ദിവസങ്ങള് സൂക്ഷിക്കേണ്ടതാണെന്നും രാജഗോപാല് കമ്മത് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്