വഴിയരികില് അവശനിലയില് കണ്ടെത്തിയാള് മരണപ്പെട്ടു
പുല്പ്പള്ളി: പുല്പ്പളളി പോലീസ് പട്രോളിങ്ങിനിടെ വഴിയരികില് അവശനിലയില് കണ്ടെത്തി ആശുപത്രിയിലെത്തിച്ചയാള് മരിച്ചു. കോക്കാപ്പള്ളിയില് സജിയാണ് മരിച്ചത്. ഞായറാഴ്ച വൈകിട്ട് ആറേമുക്കാലോടെ പെരിക്കല്ലൂര് കടവിന് സമീപത്തെ പാതയോരത്താണ് പരിക്കുകളോടെ സജിയെ കണ്ടെത്തിയത്. പോലീസ് ഉടനെ നാട്ടുകാരുടെ സഹായത്തോടെ ബത്തേരി താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റി. റിപ്പോര്ട്ട് വന്നതിന് ശേഷമേ മരണകാരണം വ്യക്തമാകുകയുള്ളുവെന്ന് പോലീസ് പറഞ്ഞു. ഭാര്യ: ശ്രീലത. മക്കള്: അനീഷ്, പരേതരായ സനീഷ്, ബിനീഷ്. മരുമകള്: ആര്ച്ച. സംസ്കാരം ചൊവ്വാഴ്ച 10 മണിക്ക് പട്ടാണികൂപ്പ് സെയ്ന്റ് മേരീസ് സുനോറോ പള്ളിയില്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്