രാജ്യത്തിന്ന് ഓരോ ഭാരതീയനും ഗാന്ധി ആവേണ്ട സാഹചര്യം:പി.പി ആലി
കല്പ്പറ്റ: രാജ്യത്തെ ഒരു മതരാഷ്ട്രം ആക്കാനുള്ള വര്ഗീയശക്തികളുടെ ശ്രമങ്ങളെ ചെറുത്തുനിന്നതിന്റെ പേരില് മതഭ്രാന്തന്മാരുടെ വെടിയേറ്റ് രക്തസാക്ഷിയായ മഹാത്മാഗാന്ധിയുടെ രക്തസാക്ഷിത്വ ദിനത്തില് അത്തരം വര്ഗീയശക്തികളെ ചെറുത്തു തോല്പ്പിക്കാനുള്ള ഉത്തരവാദിത്വം ഓരോ ഭാരതീയനും ഏറ്റെടുക്കണമെന്ന് പി പി ആലി. ബഹുസ്വരതയില് അധിഷ്ഠിതമായ നമ്മുടെ രാജ്യത്തെ മതത്തിന്റെ, ജാതിയുടെ,വ ര്ഗ്ഗത്തിന്റെ പേരില് ഭിന്നിപ്പിക്കാനും രാജ്യത്തെ ഒരു മതരാഷ്ട്രം ആക്കാനുമുള്ള വര്ഗീയ ശക്തികളുടെ പ്രത്യയശാസ്ത്രത്തെ ചെറുത്തുതോല്പ്പിക്കാന് ഓരോ ഭാരതീയനും ഒരു ഗാന്ധി ആവേണ്ടുന്ന സാഹചര്യത്തിലൂടെയാണ് ഇന്ന് രാജ്യം കടന്നു പോകുന്നത് എന്നും അദ്ദേഹം കൂട്ടിച്ചേര്ത്തു.കല്പ്പറ്റ മണ്ഡലം കോണ്ഗ്രസ് കമ്മിറ്റി നടത്തിയ മഹാത്മാഗാന്ധിയുടെ എഴുപത്തിയഞ്ചാം രക്തസാക്ഷിത്വ ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മണ്ഡലം പ്രസിഡണ്ട് ഗിരീഷ് കല്പ്പറ്റ അധ്യക്ഷനായിരുന്നു. ടി ജെ ഐസക്, സി ജയപ്രസാദ്, കെ കെ രാജേന്ദ്രന്, കെ അജിത,പി വിനോദ് കുമാര്,പി കെ സുരേഷ്,ആയിഷ പള്ളിയാല്, ഹര്ഷല് കോണാടന്, ഡിന്റോ ജോസ്, ഇ സുനീര്, കെ. ശശികുമാര്, ലത്തീഫ് മാടായി, പ്രതാപ് വി, തുടങ്ങിയവര് പ്രസംഗിച്ചു
