കേരള ശാസ്ത്ര സാഹിത്യ പരിഷത്ത് വയനാട് ജില്ലാ സമ്മേളനം മെയ് 22,23 തീയതികളില്‍
കല്‍പ്പറ്റ: കേരള ശാസ്ത്ര സാഹിത്യ പരിഷത്ത് നാല്‍പ്പതാമത് വയനാട് ജില്ലാ സമ്മേളനം മെയ് 22,23 ശനി, ഞായര്‍ ദിവസങ്ങളില്‍ ഗൂഗിള്‍ മീറ്റിലൂടെ നടക്കും. 22 ശനിയാഴ്ച രാവിലെ 10 മണിക്ക് ബാബ അറ്റോമിക് റിസര്‍ച്ച് സെന്ററിലെ ശാസ്ത്രജ്ഞയായ ഡോ.ഡാലി ഡേവിസ് സമ്മേളനം ഉദ്ഘാടനം ചെയ്യും.ശാസ്ത്രജ്ഞരും പൊതു സമൂഹവും തമ്മിലെന്ത് എന്നതാണ് പ്രഭാഷണ വിഷയം.തുടര്‍ന്ന് 150 പേര് പങ്കെടുക്കുന്ന പ്രതിനിധി സമ്മേളനം ആരംഭിക്കും.ജില്ലാ പ്രസിഡന്റ് പി ആര്‍ മധുസൂദനന്‍ അധ്യക്ഷത വഹിക്കും. സെക്രട്ടറി എം കെ ദേവസ്യ പ്രവര്‍ത്തന റിപ്പോര്‍ട്ടും ട്രഷറര്‍ കെ കെ സുരേഷ് കുമാര്‍ വരവ് ചിലവ് കണക്കുകളും അവതരിപ്പിക്കും. മുന്‍ സംസ്ഥാന പ്രസിഡന്റ് ഡോ. എന്‍ കെ.ശശിധരന്‍ പിള്ള സംഘടനാ രേഖ അവതരിപ്പിക്കും.സംസ്ഥാന സെക്രട്ടറി കെ വിനോദ് കുമാര്‍, നിര്‍വാഹക സമിതി അംഗങ്ങള്‍ ആയ പ്രൊ കെ ബാലഗോപാലന്‍, ഡോ ടി ആര്‍ സുമ എന്നിവരും വിവിധ സെഷനുകളില്‍ സംസാരിക്കും.അനുബന്ധ പരിപാടികള്‍ ആയി മൂന്നു വെബിനാറുകള്‍ സംഘടിപ്പിച്ചു.കോവിഡ് കാലത്തെ വിദ്യാഭ്യാസം എന്ന വിഷയത്തില്‍ ഡോ ടി പി കലാധരനും, വാക്‌സിന്‍ ശാസ്ത്രം ചരിത്രം സമൂഹം എന്ന വിഷയത്തില്‍ ഡോ ബി ഇക്ബാലും മനുഷ്യ വന്യ മൃഗ സംഘര്‍ഷം എന്ന വിഷയത്തില്‍ ഡോ അമിതബ് ബച്ചന്‍ ഹൈദ്‌റും വിഷയാവതരണം നടത്തി.
