ഫിറ്റ് ഇന്ത്യഫിറ്റ് ക്യാംപസ് ; നീലഗിരി കോളേജുമായി കൈകോര്ത്ത് കോവളം എഫ്.സി
ബത്തേരി: സന്തോഷ് ട്രോഫി താരം എബിന് റോസ് ഉള്പ്പടെ നേതൃത്വം നല്കുന്ന കേരളത്തിന്റെ ഫുട്ബോള് പ്രതീക്ഷയായ കോവളം എഫ്.സി യും നീലഗിരി കോളേജും തമ്മിലുള്ള ധാരണപത്രം കൈമാറി. ഈ അദ്ധ്യായന വര്ഷം കോളേജില് ആരംഭിച്ച ഫിറ്റ് ഇന്ത്യ ഫിറ്റ് ക്യാംപസ് മിഷന്റെ പ്രവര്ത്തനങ്ങളുടെ ഭാഗമായാണ് ഈ നേട്ടം കൈവരിക്കാനായത്. അടിസ്ഥാന സൗകര്യങ്ങള്, പരിശീലകരുടെ യോഗ്യത തുടങ്ങി വിവിധ ഘടകങ്ങള് ക്ലബ്ബ് പ്രതിനിധികള് പരിശോധിച്ച് വിലയിരുത്തിയതിന്റെ അടിസ്ഥാനത്തിലാണ് ധാരണ പത്രം കൈമാറിയത്. താളൂരിലെ ഹൈ ആള്ട്ടിട്യൂഡ് ഗ്രൗണ്ടില് ശരിയായ പരിശീലനവും മാര്ഗനിര്ദേശവും ലഭിച്ചാല് ലോകനിലവാരത്തിലുള്ള കളിക്കാരെ ഇവിടെനിന്നു വളര്ത്തിയെടുക്കാന് കഴിയുമെന്ന കണ്ടെത്തലിന്റെ അടിസ്ഥാനത്തിലാണ് ദേശീയ നിലവാരത്തിലുള്ള പരിശീലനം ഉറപ്പു വരുത്തുന്നതിനുള്ള നടപടികള്ക്ക് തുടക്കമിട്ടത്. കോളേജ് മാനേജിംങ്ങ് ഡയറക്ടര് റാഷിദ്ഗസ്സാലി, കോവളം. എഫ്.സി.പ്രസിഡണ്ട് റ്റി.ജെ. മാത്യവും ഒപ്പിട്ട ധാരണ പത്രമാണ് കോളേജ് ക്യാംപസില് നടന്ന ചടങ്ങില് കൈമാറിയത്, അക്കാഡിമിക്ക് ഡീന് പ്രേഫ.ടി മോഹന് ബാബു ഉദ്ഘാടനം ചെയ്തു.അഡ്മിനിസ്ട്രേറ്റര് എം ദു:രൈ, കോളേജ് കൌണ്സില് മെമ്പര് അന്വര് സാദിക്ക്, ഫുട്ബോള് മെന്റര് സി എ സത്യന്, കോവളം എഫ്, സി.മനേജര് ബൈജു എന്നിവര് സംസാരിച്ചു. കായിക വിഭാഗം മേധാവി സരില് വര്ഗീസ് സ്വാഗതവും പി.ടി.എ.മെമ്പര് കരുണകരന് നന്ദിയും പറഞ്ഞു.
ഇതിനകം നിരവധി അന്തര് സംസ്ഥാന മത്സരങ്ങളിലുള്പ്പടെ ജേതാക്കളായ നീലഗിരി കോളേജ് ഫുട്ബാള് ടീമിലെ താരങ്ങളായ ഷഹീര്, സല്മാന് എന്നിവര് കോവളം എഫ് സി ക്ക് വേണ്ടിയും ബൂട്ടണിഞ്ഞിട്ടുണ്ട്.:
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്