സ്കോളര്ഷിപ്പ് അപേക്ഷ ക്ഷണിച്ചു
കേരള സംസ്ഥാന പരിവര്ത്തിത ക്രൈസ്തവ ശുപാര്ശിത വിഭാഗ വികസന കോര്പ്പറേഷന് പട്ടികജാതിയില് നിന്നും ക്രിസ്തുമതം സ്വീകരിച്ചവരും അര്ഹതയുള്ളവരുമായ ശുപാര്ശിത വിഭാഗങ്ങളില്പ്പെട്ട (ഒ.ഇ.സി) സമര്ത്ഥരായ വിദ്യാര്ത്ഥിനി വിദ്യാര്ത്ഥികള്ക്ക് സ്കോളര്ഷിപ്പ് അപേക്ഷ ക്ഷണിച്ചു. 2019 മാര്ച്ചില് നാലാം ക്ലാസ്സ് പരീക്ഷ എഴുതി എല്ലാ വിഷയങ്ങള്ക്കും എ ഗ്രേഡ് നേടിയ ബി.പി.എല്. കുടുംബങ്ങളിലെ വിദ്യാര്ത്ഥികള്ക്ക് അപേക്ഷിക്കാം. തെരഞ്ഞടുക്കപ്പെടുന്ന 100 വിദ്യാര്ത്ഥികള്ക്ക് 10-ാം ക്ലാസ്സ് വരെ പഠന മികവ് തുടരുന്നപക്ഷം എല്ലാ വര്ഷവും സ്കോളര്ഷിപ്പ് ലഭിക്കും. 5-ാം ക്ലാസ്സ് മുതല് 7-ാം ക്ലാസ്സ് വരെ പ്രതിവര്ഷം 3000 രൂപയും 8-ാം ക്ലാസ്സ് മുതല് 10-ാം ക്ലാസ്സ് വരെ പ്രതിവര്ഷം 4000 രൂപയുമാണ് സ്കോളര്ളിപ്പ്. കൂടാതെ എല്ലാ വര്ഷവും മദ്ധ്യവേനല് അവധിക്കാലത്ത് കരിയര് ഗൈഡന്സ്, അഭിരുചി നിര്ണ്ണയം, വ്യക്തിത്വ വികസന പരിശീലനം, പൊതുവിജ്ഞാനം, നേതൃത്വ പാടവ പരിശീലനം, ഇംഗ്ലീഷ് ഭാഷാ പരിശീലനം, മാനസിക വികസനം, കമ്പ്യൂട്ടര് പരിശീലനം തുടങ്ങിയ വിഷയങ്ങള് സംബന്ധിച്ച പഠന ക്യാമ്പുകളില് പങ്കെടുക്കാന് അവസരമുണ്ടാകും. ജാതി, വരുമാന സര്ട്ടിഫിക്കറ്റുകള്, നാലാം ക്ലാസ്സിലെ അവസാന പരീക്ഷയുടെ സാക്ഷ്യപ്പെടുത്തിയ മാര്ക്ക് ലിസ്റ്റ് എന്നിവ സഹിതം ജൂലൈ 15-ന് വൈകുന്നേരം 5 നകം മാനേജിംഗ് ഡയറക്ടര്, കേരള സംസ്ഥാന പരിവര്ത്തിത ക്രൈസ്തവ ശുപാര്ശിത വിഭാഗ വികസന കോര്പ്പറേഷന്, കോട്ടയം - 686 001 എന്ന വിലാസത്തില് ലഭിക്കണം. അപേക്ഷാ ഫോമുകള് കോര്പ്പറേഷന്റെ തിരുവനന്തപുരം, കോട്ടയം, കോഴിക്കോട് റീജിയണല് ഓഫീസുകളില് ലഭിക്കും. ഫോണ് 0481 - 2564304.
