വയനാട് ജില്ലയില് ആഗസ്റ്റ് 14 വരെ റെഡ് അലേര്ട്ട് പ്രഖ്യാപിച്ചു

തീവ്രമായ മഴയുടെ സാഹചര്യത്തില് വയനാട് ജില്ലയില് ആഗസ്റ്റ് 14 വരെ റെഡ് അലേര്ട്ട്പ്രഖ്യാപിച്ചിരിക്കുന്നു.മറ്റെല്ലാം ഒഴിവാക്കി ദുരന്ത നിവാ രണത്തില് മാത്രം ശ്രദ്ധയൂന്നുന്നതിനാണ് റെഡ് അലര്ട്ട് പ്രഖ്യാപിക്കുന്നത്. ജനങ്ങള് ക്കുള്ള അതീവ ജാഗ്രതാ മുന്നറിയിപ്പാണിത്.ജില്ലാ ഭരണകൂടത്തിന്റെ നേതൃത്വത്തില് മഴക്കാല കെടുതികളെ നേരിടാന് യുദ്ധക്കാലാടിസ്ഥാനത്തില് ദുരന്ത നിവാരണ പ്രവര്ത്തനങ്ങള് തുടങ്ങി. നാവികസേന, ദേശീയ ദുരന്ത നിവാരണ സേന, ആര്മി ഡിഫന്സ് സെക്യുരിറ്റി ഫോഴ്സ്, കുടാതെ ഫയര് ആന്ഡ് റെസ്ക്യു ടീം പൊലിസ് തുടങ്ങിയവര് വിവിധ സംഘങ്ങളായി തിരിഞ്ഞാണ് പ്രവര്ത്തനം നടത്തുന്നത്.
1. ഉരുള്പൊട്ടല് സാധ്യത ഉള്ളതിനാല് രാത്രി സമയത്ത് (7 am-7 pm) മലയോരമേഖലയിലേക്കുള്ള യാത്ര പരിമിതപെടുത്തുവാന് പൊതുജനങ്ങള് ശ്രദ്ധിക്കണം
2. ബീച്ചുകളില് കടലില് ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം
3. പുഴകളിലും തോടുകളിലും ജല നിരപ്പ് ഉയരുവാന് സാധ്യതയുണ്ട്. പുഴകളിലും, ചാലുകളിലും, വെള്ളകെട്ടിലും ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം
4. മലയോര മേഘലയിലെ റോഡുകള്ക്ക് കുറുകെ ഉള്ള ചെറിയ ചാലുകളിലൂടെ മലവെള്ള പാച്ചിലും ഉരുള്പൊട്ടലും ഉണ്ടാകുവാന് സാധ്യതയുണ്ട് എന്നതിനാല് ഇത്തരം ചാലുകളുടെ അരികില് വാഹനനങ്ങള് നിര്ത്താതിരിക്കുവാന് പൊതുജനങ്ങള് ശ്രദ്ധിക്കണം
5. മരങ്ങള്ക്ക് താഴെ വാഹനം പാര്ക്ക് ചെയ്യാതിരിക്കുവാന് പൊതുജനങ്ങള് ശ്രദ്ധിക്കണം
6. ഉരുള്പൊട്ടല് സാധ്യത ഉള്ള മലയോര മേഖലയിലെ ജനങ്ങള് ജാഗരൂകരായിരിക്കണം എന്ന് അഭ്യര്ത്ഥിക്കുന്നു
7. ഉദ്യോഗസ്ഥര് അവശ്യപ്പെട്ടാല് മാറി താമസിക്കുവാന് അമാന്തം കാണിക്കരുത് എന്ന് പൊതുജനങ്ങളോട് അഭ്യര്ത്ഥിക്കുന്നു
8. പരിശീലനം സിദ്ധിച്ച സന്നദ്ധ പ്രവര്ത്തകര് അല്ലാതെയുള്ളവര് വെള്ളപ്പൊക്കം, ഉരുള്പൊട്ടല് എന്നിവ ബാധിച്ച സ്ഥലങ്ങളിലേക്കുള്ള സന്ദര്ശനം ഒഴിവാക്കുക
9. കുട്ടികള് പുഴകളിലും തോടുകളിലും വെള്ളകെട്ടിലും ഇറങ്ങി കളിക്കുന്നില്ല എന്ന് മാതാപിതാക്കള് ഉറപ്പ് വരുത്തണം.


കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്