ക്വാറികുളത്തില് കുളിക്കുന്നതിനിടെ യുവാവ് മുങ്ങി മരിച്ചു
അമ്പലവയല്: അമ്പലവയല് ആയിരംകൊല്ലി കൊല്ലപറമ്പില് സൈനുദ്ദീന്റേയും, മൈമൂനയുടേയും മകനായ ഷാനിബ്(20) ആണ് മരിച്ചത്. ആയിരംകൊല്ലി ക്വാറിയില് സുഹൃത്തുക്കളോടൊപ്പം കുളിക്കാനിറങ്ങിയപ്പോഴാണ് അപകടം. തുടര്ന്ന് ഒപ്പമുണ്ടായിരുന്നവര് വിവരമറിയച്ചതിന്റെ അടിസ്ഥാനത്തില് നാട്ടുകാരും പോലീസും ഫയര്ഫോഴ്സും ചേര്ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. ഇന്ന് വൈകിട്ട് 4 മണിയോടെയായിരുന്നു അപകടം. ബിരുദ വിദ്യാര്ത്ഥിയായ ഷാനിബ് ബത്തേരിയിലെ ഹോട്ടലില് പാര്ട്ട് ടൈം ജോലിയും ചെയ്ത് വരികയായിരുന്നു. ഷാഹിന ഏക സഹോദരിയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്