ലഹരിവിരുദ്ധ സെമിനാറും പ്രതിഭകളെ ആദരിക്കലും നടത്തി
എടക്കല്: കുടുംബശ്രീ എ.ഡി.എസ്. പൊതുസഭയോടനുബന്ധിച്ച് എ.ഡി.എസ്, സി.ഡി.എസ്,കുടുംബശ്രീ അംഗങ്ങള്ക്കായി ലഹരിവിരുദ്ധ ബോധവല്ക്കരണ ക്ലാസ് സംഘടിപ്പിച്ചു. എടക്കല് ഗവ.യു.പി.സ്കൂളില് വെച്ച് നടന്ന പരിപാടിയില്, എക്സൈസ് വിമുക്തി മിഷന് വയനാട് ജില്ലാ കോര്ഡിനേറ്റര് എന്.സി.സജിത്ത്കുമാര് അച്ചൂരാനം 'ബോധപൂര്വ്വം: ലഹരിക്കെതിരെ ജാഗ്രതയോടെ കുടുംബങ്ങള്' എന്ന വിഷയത്തില് സെമിനാറും ചര്ച്ചയും നയിച്ചു. ലഹരിയെന്ന വിപത്തിനെ കുടുംബങ്ങളില് നിന്ന് തന്നെ പ്രതിരോധിക്കാന് സ്ത്രീശക്തിക്ക് കഴിയുമെന്ന് അദ്ദേഹം അഭിപ്രായപ്പെട്ടു.
ബ്ലോക്ക് മെമ്പര് യശോദാ ബാലകൃഷ്ണന് പരിപാടിയുടെ ഔപചാരിക ഉദ്ഘാടനം നിര്വ്വഹിച്ചു. എ.ഡി.എസ്.പ്രസിഡന്റ് മിനി ജോഷി അദ്ധ്യക്ഷത വഹിച്ച ചടങ്ങില് എ.ഡി.എസ്.എക്സിക്യൂട്ടീവ് അംഗം ധന്യ സുമേഷ് സ്വാഗതം ആശംസിച്ചു.ചടങ്ങില് വെച്ച് പ്രദേശത്തെ വിദ്യാഭ്യാസ മേഖലയിലെ മികച്ച പ്രതിഭകളെ ആദരിച്ചു.
എസ്.എസ്.എല്.സി പരീക്ഷയില് ഫുള് എ പ്ലസ് നേടിയ വിദ്യാര്ത്ഥികളെയും, എല്.എസ്.എസ്. സ്കോളര്ഷിപ്പ് കരസ്ഥമാക്കിയ കുട്ടികളെയും പ്രത്യേകം അനുമോദിക്കുകയും ഉപഹാരങ്ങള് കൈമാറുകയും ചെയ്തു.വാര്ഡ് മെമ്പര് ഷീന ഷാജി,സി.ഡി.എസ്. ചെയര്പേഴ്സണ് ഇ.സി.സുഷമ പ്രതീപ്, സി.ഡി.എസ്.അംഗം ഗീത സത്യനാഥന്,ഷിഭില ഖാദര് തുടങ്ങിയവര് ആശംസകള് അര്പ്പിച്ചു സംസാരിച്ചു. എ.ഡി.എസ്.എക്സിക്യൂട്ടീവ് അംഗം സൂര്യ സജിത് ചടങ്ങിന് നന്ദി രേഖപ്പെടുത്തി. എ.ഡി.എസ്,സി.ഡി.എസ് ഭാരവാഹികളും നിരവധി കുടുംബശ്രീ അംഗങ്ങളും പൊതുസഭയില് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്