വൈദ്യുതി മന്ത്രിക്ക് നിവേദനം നല്കി.
പുല്പ്പള്ളി: പാടിച്ചിറയിലെ കെ.എസ്.ഇ.ബി. സെക്ഷന് ഓഫീസ് മാറ്റാനുള്ള നീക്കത്തിനെതിരെ ജനപ്രതിനിധികളുടെ നേതൃത്വത്തില് വൈദ്യുതി മന്ത്രി സണ്ണി ജോസഫിനെ തിരുവനന്തപുരത്ത് സന്ദര്ശിച്ച് നിവേദനം നല്കി. ആര്യാടന് മുഹമ്മദ് വൈദ്യുതി മന്ത്രിയായിരുന്നപ്പോഴാണ് 12 വര്ഷം മുന്പ് പാടിച്ചിറയില് കെ.എസ്.ഇ.ബി. സെക്ഷന് ഓഫീസ് അനുവദിച്ചത്. എന്നാല് അസൗകര്യങ്ങളുടെ പേരുപറഞ്ഞ് ഇവിടെ നിന്നും ഓഫീസ് മാറ്റാന് ശ്രമം നടന്നപ്പോള് സര്വകക്ഷി നേതാക്കളും ജനപ്രതിനിധികളും കെ.എസ്.ഇ.ബി. ഉദ്യോഗസ്ഥരുമായി ചര്ച്ച നടത്തുകയും അവര് നിര്ദേശിച്ച പ്ലാന് പ്രകാരമുള്ള പുതിയ കെട്ടിടം നിര്മിച്ച് വാടകയ്ക്ക് കൈമാറുകയും ചെയ്തിരുന്നു. എന്നാല് വീണ്ടും ചില ജീവനക്കാരുടെ താല്പ്പര്യം സംരക്ഷിക്കുന്നതിനായി ഓഫീസ് ഇവിടെ നിന്നും മാറ്റാന് ശ്രമം നടക്കുകയാണെന്നാണ് ആരോപണം. വകുപ്പ് മന്ത്രിയുമായി നടത്തിയ ചര്ച്ചയില് ഓഫീസ് പാടിച്ചിറയില് നിന്നും മാറ്റില്ലെന്ന് ഉറപ്പ് ലഭിച്ചതായി ജനപ്രതിനിധികള് പറഞ്ഞു. ഐ.സി. ബാലകൃഷ്ണന് എം.എല്.എ., ബ്ലോക്ക് പഞ്ചായത്ത് പ്രസിഡന്റ് ടി.എസ്. ദിലീപ്കുമാര്, ബ്ലോക്ക് പഞ്ചായത്തംഗം വര്ഗീസ് മുരിയന്കാവില് എന്നിവരുടെ നേതൃത്വത്തിലാണ് മന്ത്രിയുമായി ചര്ച്ച നടത്തിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്