ലൈംഗീകാതിക്രമ കേസില് പ്രതിക്ക് തടവും പിഴയും
കല്പ്പറ്റ: വീട്ടില് അതിക്രമിച്ചു കയറി 18 വയസ്സുകാരനെതിരെ പ്രകൃതിവിരുദ്ധ ലൈംഗീകാതിക്രമം നടത്തുകയും പരിക്കേല്പ്പിക്കുകയും ചെയ്ത കേസില് പ്രതിക്ക് തടവും പിഴയും. കല്പ്പറ്റ മെസ്സ് ഹൗസ് റോഡ്, കുന്നത്തുംപടിയില് വീട്ടില് കെ.എം. അഷ്റഫിനെയാണ് കല്പ്പറ്റ അഡിഷണല് ഡിസ്ട്രിക്റ്റ് ആന്ഡ് സെഷന്സ് കോടതി(1) ജഡ്ജ് എ.വി മൃദുല ശിക്ഷിച്ചത്.
ഇന്ത്യന് ശിക്ഷാ നിയമത്തിലെ വിവിധ വകുപ്പുകള് പ്രകാരം വീട്ടില് അതിക്രമിച്ചു കയറിയതിന് 5 വര്ഷവും, ലൈംഗീകാതിക്രമം നടത്തിയതിന് 5 വര്ഷവും, പരിക്കേല്പ്പിച്ചതിന് 1 വര്ഷത്തെ തടവും കൂടാതെ 60000 രൂപ പിഴയുമാണ് ശിക്ഷ വിധിച്ചത്. ശിക്ഷ ഒന്നിച്ച് (5 വര്ഷം) അനുഭവിച്ചാല് മതി.
2022 മാര്ച്ചിലാണ് കേസിനാസ്പദമായ സംഭവം നടന്നത്. അന്നത്തെ കല്പ്പറ്റ സ്റ്റേഷന് സബ് ഇന്സ്പെക്ടര് ആയിരുന്ന വി.വേണുഗോപാലന് കേസില് ആദ്യാന്വേഷണം നടത്തുകയും ശേഷം സബ് ഇന്സ്പെക്ടര് വിമല് ചന്ദ്രന് കേസില് അന്വേഷണം പൂര്ത്തിയാക്കി കോടതിയില് കുറ്റപത്രം സമര്പ്പിക്കുകയുമായിരുന്നു. പ്രോസിക്യൂഷന് വേണ്ടി അഡീഷണല് പബ്ലിക് പ്രോസിക്യൂട്ടര് അഭിലാഷ് ജോസഫ് ഹാജരായി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്