വയനാട് വന്യജീവി സങ്കേതത്തിലെ വനഭാഗങ്ങളില് സ്നെയര് പട്രോളിംഗ് നടത്തി
മുത്തങ്ങ: വയനാട് വന്യജീവി സങ്കേതത്തിലെ മുത്തങ്ങ, സുല്ത്താന് ബത്തേരി, കുറിച്യാട്, തോല്പ്പെട്ടി റെയിഞ്ചുകളിലെ വിവിധ വനഭാഗങ്ങളില് ഒരേ സമയം സ്നെയര് പട്രോളിംഗ് നടത്തി. ഓരോ സെക്ഷന്, സ്റ്റേഷന്, ആര്.ആര്.ടി. എന്നിവിടങ്ങളിലെ വനപാലകരെ വിവിധ ഗ്രൂപ്പുകളായി വിന്യസിച്ച്, കുടുക്കുകള് സ്ഥാപിക്കാന് സാധ്യതയുള്ള മേഖലകളിലാണ് വ്യാപകമായ തിരച്ചില് നടത്തിയത്. ഇത്തരത്തില് ആകെ 40 ഗ്രൂപ്പുകളിലായി 218 അംഗങ്ങള് പ്രസ്തുത പരിശോധനയില് പങ്കെടുത്തു. വനാതിര്ത്തിയോട് ചേര്ന്നുള്ള പ്രദേശങ്ങളിലെ താമസക്കാര്ക്ക് ഇതുസംബന്ധിച്ച ബോധവല്ക്കരണവും നടത്തി.
സഞ്ജയ് കുമാര് ഐ.പി അസി. വൈല്ഡ് ലൈഫ് വാര്ഡന് മുത്തങ്ങ, നസ്ന.ടി.ടി അസി. വൈല്ഡ് ലൈഫ് വാര്ഡന് സുല്ത്താന് ബത്തേരി, കണ്ണന്, അസി. വൈല്ഡ് ലൈഫ് വാര്ഡന് കുറിച്യാട്, ഷിബുകുട്ടന് അസി. വൈല്ഡ് ലൈഫ് വാര്ഡന് തോല്പ്പെട്ടി എന്നവരുടെ നേതൃത്വത്തിലാണ് വനാതിര്ത്തികള് കേന്ദ്രീകരിച്ച് പരിശോധന നടത്തിയത്. വയനാട് വന്യജീവി സങ്കേതം വൈല്ഡ് ലൈഫ് വാര്ഡന് അരുള്സെല്വന്.കെ, ഐ.എഫ്.എസ്, അജിത്ത്.കെ. രാമന്, അസിസ്റ്റന്റ് ഫോറസ്റ്റ് കണ്സര്വേറ്റര് (വൈല്ഡ് ലൈഫ്) എന്നിവര് മേല്നോട്ടം വഹിച്ചു. വരും ദിവസങ്ങളിലും പരിശോധന തുടരുന്നതാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്