പോക്സോ കേസില് പിതാവിന് തടവും പിഴയും
കല്പ്പറ്റ: പ്രായപൂര്ത്തിയാവാത്ത മകള്ക്കെതിരെ ലൈംഗീകാതിക്രമം നടത്തിയ കേസില് ബി എന് എസ്, പോക്സോ, ജുവനൈല് ജസ്റ്റിസ് ആക്റ്റുകളിലെ വിവിധ വകുപ്പുകളിലായി ജീവപര്യന്തം കൂടാതെ 3 വര്ഷവും,125000 രൂപ പിഴയും വിധിച്ചു. മേപ്പാടി സ്റ്റേഷന് പരിധിയില് രജിസ്റ്റര് ചെയ്ത കേസിലാണ് കല്പ്പറ്റ ഫാസ്റ്റ്ട്രാക്ക് കോടതി ജഡ്ജ് കെ. കൃഷ്ണകുമാര് ശിക്ഷിച്ചത്. 2024 നവംബറിലാണ് സംഭവം. പ്രായപൂര്ത്തിയാവാത്ത കുട്ടിയെ സംരക്ഷിക്കേണ്ട പിതാവ് കുട്ടിക്കെതിരെ ലൈംഗീകാതിക്രമം നടത്തുകയായിരുന്നു. അന്നത്തെ മേപ്പാടി സ്റ്റേഷന് സബ് ഇന്സ്പെക്ടറായിരുന്ന വി.പി അനില് എഫ്.ഐ.ആര് രജിസ്റ്റര് ചെയ്ത് ആദ്യാന്വേഷണം നടത്തുകയും തുടര്ന്ന് സബ് ഇന്സ്പക്ടറായിരുന്ന ഷറഫുദ്ദീന് അന്വേഷിക്കുകയും ശേഷം ഇന്സ്പെക്ടര് എസ്.എച്ച്.ഓ ആയിരുന്ന പി രാജേഷ് അന്വേഷണം പൂര്ത്തിയാക്കി കോടതി മുമ്പാകെ കുറ്റപത്രം സമര്പ്പിക്കുകയുമായിരുന്നു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര് ജി. ബബിത ഹാജരായി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്