ചകിരിയുടെ മറവില് നിരോധിത പുകയില; മുത്തങ്ങയില് 853 കിലോ നിരോധിത പുകയില ഉല്പ്പന്നങ്ങള് പിടികൂടി
മുത്തങ്ങ: എക്സൈസ് ഇന്റലിജന്സ് ബ്യൂറോ ജോയന്റ് എക്സൈസ് കമ്മീഷണര്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില് മുത്തങ്ങ എക്സൈസ് ചെക്ക് പോസ്റ്റില് വെച്ച് വയനാട് എക്സൈസ് ഇന്റലിജന്സ്, മുത്തങ്ങ ചെക്ക് പോസ്റ്റ്, സുല്ത്താന് ബത്തേരി റെയിഞ്ച് എന്നീ പാര്ട്ടികള് സംയുക്തമായി നടത്തിയ വാഹന പരിശോധനയില് കര്ണ്ണാടക ഭാഗത്ത് നിന്നും ചകിരി കയറ്റി കോഴിക്കോട് അരീക്കോടേക്ക് പോകുകയായിരുന്ന മിനിലോറിയില് നിന്നും 853 കിലോ നിരോധിത പുകയില ഉത്പന്നങ്ങള് പിടികൂടി. 105 ചാക്കുകളിലായി സൂക്ഷിച്ച 42,650 പാക്കറ്റ് നിരോധിത പുകയില ഉത്പന്നങ്ങളാണ് പിടികൂടിയത്. സംഭവവുമായി ബന്ധപ്പെട്ട്
കെ.എല് 65 എസ് 2395 നമ്പര് ഐഷര് മിനിലോറിയും, വാഹന െ്രെഡവറായ മണ്ണാര്ക്കാട് പെരിഞ്ചോളം ചോലക്കാട്ട് തൊടി വീട്ടില് സിദ്ദീഖ്.സി.എച്ച് (38) എന്നയാളെയും കസ്റ്റഡിയിലെടുത്ത ശേഷം തുര്നടപടികള്ക്കായി സുല്ത്താന് ബത്തേരി പോലീസിന് കൈമാറി.എക്സൈസ് ഇന്സ്പെക്ടര്മാരായ സിറാജ്.എന്, രാജേഷ് കോമത്ത്, വൈശാഖ്.കെ പ്രിവന്റീവ് ഓഫീസര്മാരായ കൃഷ്ണന്കുട്ടി.പി , അരുണ് പ്രസാദ്.ഇ, അനീഷ് .എ.എസ്, എം.കെ.സുരേന്ദ്രന്, പ്രോമിസ്, അനില്.എ, വനിത സിവില് എക്സൈസ് ഓഫിസര് രമ്യബി.ആര്, സിവില് എക്സൈസ് ഡ്രൈവര് അനുപ്രസാദ്, ബാലചന്ദ്രന്.കെ.കെ എന്നിവരും പരിശോധന സംഘത്തില് ഉണ്ടായിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്