നിശബ്ദ പ്രചരണ ദിവസം വോട്ടുറപ്പിച്ച് എം എസ് വിശ്വനാഥന്
ബത്തേരി: നിശബ്ദ പ്രചരണ ദിവസത്തില് വോട്ടുറപ്പിച്ച് ബത്തേരി മണ്ഡലം എല്ഡിഎഫ് സ്ഥാനാര്ഥി എം എസ് വിശ്വനാഥന്. ഇന്ന് രാവിലെ മുതല് പുല്പ്പള്ളി, പൂതാടി എന്നിവിടങ്ങളിലെ വിവിധ മേഖലകളിലും ഉന്നതികളിലുമാണ് വോട്ട് അഭ്യര്ഥിച്ചത്. അവസാന ലാപ്പിലും പരമാവധി വോട്ടര്മാരെ നേരില് കണ്ടു. പ്രചരണത്തിനായി എത്തുന്ന എല്ലായിടങ്ങളിലും സ്ഥാനാര്ഥിയെ കാണാനും വിവിധ ആവശ്യങ്ങള് പറയാനും പിന്തുണ അറിയിക്കാനും നിരവധി പേര് എത്തിയിരുന്നു.
വികസന പ്രശ്നങ്ങള് നേരിടുന്ന സ്ഥലങ്ങള് സന്ദര്ശിച്ച് ജനങ്ങളുമായി വിവിധയിടങ്ങളില് സ്ഥാനാര്ഥി സംവദിച്ചു.
മണ്ഡലത്തിലെ യുഡിഎഫ് ഭരണത്തിന് അറുതിയാവുന്നതോടെ ജനങ്ങളുടെ പ്രശ്നങ്ങള്ക്ക് പരിഹാരം കാണാന് ശ്രമിക്കുമെന്ന ഉറപ്പും ഗ്രാമീണ ടൂറിസമടക്കം പ്രാവര്ത്തികമാക്കി ബത്തേരിയുടെ എല്ലാ മേഖലയെയും വികസനത്തേരിലേറ്റുമെന്നും മണ്ഡലത്തിലെ ആവശ്യങ്ങള് നേടിയെടുക്കാന് നാടൊന്നിക്കണമെന്നും എം എസ് വിശ്വനാഥന് പറഞ്ഞു.
പി ആര് ജയപ്രകാശ്, എന് പി കുഞ്ഞുമോള്, ബൈജു നമ്പിക്കൊല്ലി, സണ്ണി, മുഹമ്മദ് എന്നിവര് ഒപ്പമുണ്ടായിരുന്നു. വ്യാഴം രാവിലെ 8ന്
പഴുപ്പത്തൂര് ഗവ.യുപി സ്കൂളില് എം എസ് വിശ്വനാഥന് വോട്ട് രേഖപ്പെടുത്തും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്