വയോജന സംഗമം നടത്തി
പുല്പ്പള്ളി: വണ്ടിക്കടവ് പഴശി പാര്ക്കില് സ്നേഹതീരം വയോമിത്രം കൂട്ടായ്മയുടെ നേതൃത്വത്തില് വയോജനങ്ങള്ക്ക് സ്നേഹസംഗമം സംഘടിപ്പിച്ചു. മുള്ളന്കൊല്ലി ഗ്രാമ പഞ്ചായത്ത്, പുല്പ്പള്ളി ഗ്രാമ പഞ്ചായത്ത്, പനമരം ബ്ലോക്ക് പഞ്ചായത്ത്, വയനാട് ജില്ലാ പഞ്ചായത്ത്, ജില്ലാ ടൂറിസം വകുപ്പ് വയനാട്, സാന്ത്വനം പെയിന് & പാലിയേറ്റിവ് എന്നിവയുടെ സംയുക്ത ആഭിമുഖ്യത്തിലായിരുന്നു പരിപാടി.
വയോജനങ്ങളുടെ മാനസിക-ശാരീരിക ആരോഗ്യസംരക്ഷണം, സാമൂഹിക ഇടപെടല്, വിനോദം എന്നിവ ലക്ഷ്യമാക്കി സംഘടിപ്പിച്ച സംഗമത്തില് 175 പേര് പങ്കെടുത്തു. കലാപരിപാടികള്, അനുഭവപങ്കുവെപ്പ്, ബോധവല്ക്കരണ സെഷനുകള് എന്നിവ അരങ്ങേറി. പങ്കെടുത്തവര്ക്ക് ആവേശവും പുതുമയുമേകിയ സംഗമം സൗഹൃദവും സന്തോഷവും നിറഞ്ഞ അന്തരീക്ഷത്തിലായിരുന്നു.
ബ്ലോക്ക് പഞ്ചായത്ത് അംഗം സുമ ബിനേഷ്, മുള്ളന്കൊല്ലി ഗ്രാമ പഞ്ചായത്ത് വൈസ് പ്രസിഡന്റ് ഷിനു കച്ചിറയില്, ഗ്രാമ പഞ്ചായത്ത് അംഗങ്ങളായ അനീഷ ബെന്നി, സിനി ആന്റണി, റിന്സി ജോബിഷ്, പുല്പ്പള്ളി ഗ്രാമ പഞ്ചായത്ത് വൈസ് പ്രസിഡന്റ് ജോഷി ചാരുവേലില്, ഗ്രാമ പഞ്ചായത്ത് അംഗങ്ങളായ കലാ രാജ്, ഷൈജ മഗേഷ്, പ്രേംജി, അഞ്ചു ബാബുരാജ്, ടൂറിസം ഡയറക്ടര് ഷിജു വണ്ടന്നൂര് ,
ഫാ: ഷാജി ചിറപുറത്ത്, ഫാ: ബിജു മാവറ, ഫാ. സജി ഇളയിടത്ത്, സണ്ണി തോട്ടപ്പിള്ളി, /ജര്സന് ആന്റോ, സിസ്റ്റര് അര്പ്പിത എന്നിവര് സംഘാടകത്വത്തില് സജീവ പങ്കാളികളായി. അപ്പച്ചന് ചെറിയബനാട്ട്, അച്ചാമ്മ തൈക്കുട്ടത്തില്, ശ്രീനിവാസന് സൗമ്യഭവന്, ടോമി തുണ്ടിയില്, ഫിലോ പൂത്തോട്ടാല്, ജോയ് നരിപ്പാറ തുടങ്ങിയവര് പരിപാടിയുടെ വിജയത്തിന് നേതൃത്വം നല്കി.
സമൂഹത്തിലെ മുതിര്ന്ന പൗരന്മാരുടെ അനുഭവസമ്പത്തും ജീവിതജ്ഞാനവും സമൂഹത്തിന്റെ വളര്ച്ചയ്ക്കുള്ള ഉറച്ച അടിത്തറയാണെന്ന് പ്രസംഗകര് അഭിപ്രായപ്പെട്ടു.
വീണ്ടും ഒത്തുചേരാമെന്ന പ്രതീക്ഷയോടെ, ഹൃദയം നിറഞ്ഞ ഓര്മ്മകളുമായി സംഗമം സമാപിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്