വാലന്റൈന്സ് ഡേ: 'സ്ട്രെയ്ഞ്ചേഴ്സ് പാര്ട്ടി' യില് എക്സൈസ് റെയ്ഡ്: രാസലഹരിയുമായി രണ്ടുപേര് അറസ്റ്റില്
പരിയാരം:ലോക പ്രണയ ദിനത്തില് മയക്കുമരുന്നുമായി പ്രണയിക്കാനെത്തിയ രണ്ട് പേരെ എക്സൈസുകാര് അറസ്റ്റ് ചെയ്തു.
ചെന്നൈ കോടമ്പാക്കം ശിവന്കോയില് സ്വദേശി രാജേഷ് (30), താമരശ്ശേരി ഈങ്ങാപ്പുഴ വരുവിന്കാലായില് വീട്ടില് ഷമീം വി.എം (35) എന്നിവരെയാണ് അറസ്റ്റ് ചെയ്തത്. കല്പ്പറ്റ എക്സൈസ് സര്ക്കിള് ഇന്സ്പെക്ടര് ഷര്ഫുദ്ദീന് റ്റി , എക്സൈസ് ഇന്സ്പെക്ടര് ജിഷ്ണു. ജി എന്നിവരുടെ നേതൃത്വത്തില് കല്പ്പറ്റ എക്സൈസ് സര്ക്കിള് , റെയിഞ്ച് സംഘങ്ങള് സംയുക്തമായി മുട്ടില് പരിയാരം ചിലഞ്ഞിച്ചാല് ഭാഗത്ത് പ്രവര്ത്തിക്കുന്ന ഹോം സ്റ്റേയില് നടത്തിയ പരിശോധനയിലാണ് അതിമാരക മയക്കുമരുന്നുകളായ മെത്താംഫിറ്റമിനും ഹൈബ്രിഡ് കഞ്ചാവുമായി ഇവര് പിടിയിലായത്. 'തത്ത്വ പരിഹാര' എന്ന ഹോം സ്റ്റേയില് വച്ചായിരുന്നു സംഭവം.
ഇന്സ്റ്റാഗ്രാമിലൂടെ വിവിധ സ്ഥലങ്ങളിലുള്ള സിനിമാ താരങ്ങള് ഉള്പ്പെടെയുള്ളവരെ സംഘടിപ്പിച്ച് വാലന്റൈന്സ് ഡേയില് സ്ട്രെയ്ഞ്ചേഴ്സ് പാര്ട്ടി നടത്തിവരുന്നതിനിടെയായിരുന്നു പരിശോധന.സ്ട്രെയ്ഞ്ചേഴ്സ് പാര്ട്ടിയില് പങ്കെടുത്തവരെ കുറിച്ചും സംഘാടകരെ കുറിച്ചും ഹോംസ്റ്റേ ഉടമസ്ഥരെ കുറിച്ചുമുള്ള അന്വേഷണം പുരോഗമിച്ചു വരുന്നതായി എക്സൈസ് അറിയിച്ചു.പരിശോധനയില് സിവില് എക്സൈസ് ഓഫീസര്മാരായ അഭിലാഷ് ഗോപി , മുഹമ്മദ്മുസ്തഫ.റ്റി, മുനീറ.പി.കെ എന്നിവരും പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്