വയനാട് മെഡിക്കല് കോളേജ് അടിയന്തരമായി പ്രവര്ത്തനക്ഷമമാക്കണം: പ്രിയങ്ക ഗാന്ധി എം. പി.
കല്പ്പറ്റ: കേന്ദ്ര ആരോഗ്യ മന്ത്രാലയം അംഗീകാരം നല്കിയ പശ്ചാത്തലത്തില് സംസ്ഥാന സര്ക്കാര് അതിവേഗം നടപടികള് പൂര്ത്തീകരിച്ച് മെഡിക്കല് കോളേജ് പ്രവര്ത്തനക്ഷമമാക്കണമെന്ന് പ്രിയങ്ക ഗാന്ധി എം.പി. ഒട്ടേറെ ശ്രമങ്ങള്ക്കൊടുവില് വയനാട് മെഡിക്കല് കോളേജ് യഥാര്ഥ്യമാവുന്നത് സന്തോഷകരമാണ്. ലക്ഷക്കണക്കിന് വയനാട്ടുകാരുടെ ആവശ്യമാണ് യാഥാര്ഥ്യമായത്. കൂട്ടായ പരിശ്രമമാണ് ഉണ്ടായത്. രാഹുല് ഗാന്ധി ഉള്പ്പടെ ഇതിന്റെ നടപടികള് വേഗത്തിലാക്കാന് നടത്തിയ ശ്രമങ്ങളാണ് ഫലം കൊണ്ടിരിക്കുന്നതെന്ന് പ്രിയങ്ക ഗാന്ധി പറഞ്ഞു. വയനാടിന് ശക്തമായ ആരോഗ്യ പരിരക്ഷ ഉറപ്പാക്കാന് കഴിയുന്ന ഈ നേട്ടത്തിന് വേണ്ടി പ്രവര്ത്തിച്ച എല്ലാവരോടും നന്ദി പ്രകാശിപ്പിക്കുന്നുവെന്ന് പ്രിയങ്ക ഗാന്ധി എം.പി. പറഞ്ഞു. വയനാട്ടിലെ ആരോഗ്യരംഗത്ത് കേന്ദ്ര ആരോഗ്യ മന്ത്രിയുടെ ഇടപെടലും മെഡിക്കല് കോളേജ് എത്രയും പെട്ടെന്ന് പൂര്ണ്ണ സജ്ജമാക്കണമെന്നും ആവശ്യപ്പെട്ട് പ്രിയങ്ക ഗാന്ധി എം.പി, ഷാഫി പറമ്പില് എം.പി. ഹൈബി ഈഡന് എം.പി., ഡീന് കുര്യാക്കോസ് എം.പി. എന്നിവരോടൊപ്പം ആഗസ്ത് 21ന് കേന്ദ്ര ആരോഗ്യ മന്ത്രി ജെ.പി. നദ്ദയെ കണ്ടിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്