വില്പ്പനയ്ക്കായി സൂക്ഷിച്ച 37 ലിറ്റര് മദ്യം പിടികൂടി : ഒരാള് അറസ്റ്റില്
ബത്തേരി: ഓണം സ്പെഷ്യല് ഡ്രൈവിന്റെ ഭാഗമായി വയനാട് എക്സൈസ് ഇന്റലിജന്സ് വിഭാഗം നല്കിയ രഹസ്യ വിവരത്തിന് അടിസ്ഥാനത്തില് എക്സൈസ് സ്പെഷ്യല് സ്ക്വാഡിലെ പ്രിവന്റീവ് ഓഫീസര് സാബു സി.ഡി യും പാര്ട്ടിയും അമ്പലവയല് ആയിരംകൊല്ലി ഭാഗത്ത് നടത്തിയ പരിശോധനയില് വീട്ടില് വില്പ്പനയ്ക്കായി സൂക്ഷിച്ച 37 ലിറ്റര് മദ്യം പിടികൂടി. സംഭവമായി ബന്ധപ്പെട്ട് സുല്ത്താന് ബത്തേരി അമ്പലവയല് ആയിരംക്കൊല്ലി പ്രീതാ നിവാസ് വീട്ടില് പ്രഭാത് എ.സി (47) എന്നയാളെ അറസ്റ്റ് ചെയ്തു. പരിശോധന സംഘത്തില് അസി.എക്സൈസ് ഇന്സ്പെക്ടര് (ഗ്രേഡ്) ഹരിദാസ് സി.വി, പ്രിവന്റീവ് ഓഫീസര്മാരായ പി.കൃഷ്ണന്കുട്ടി, അനീഷ് എ.എസ്. , വിനോദ് പി.ആര് (ഇ.ഐ & ഐ.ബി), സിവില് എക്സൈസ് ഓഫീസര്മാരായ രഘു എം.എ, മിഥുന്.കെ, സുരേഷ്.എം, സിവില് എക്സൈസ് ഓഫീസര് ഡ്രൈവര് പ്രസാദ്, വനിത സിവില് എക്സൈസ് ഓഫീസര് ഫസീല. ടി എന്നിവരും ഉണ്ടായിരുന്നു. ഓണത്തിന്റെ ഭാഗമായി ജില്ലയില് ഉടനീളം കര്ശന പരിശോധനകളാണ് നടത്തിവരുന്നതെന്ന് ഡെപ്യൂട്ടി എക്സൈസ് കമ്മീഷണര് എ.ജെ.ഷാജി അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്