തൊഴിലന്വേഷകര്‍ക്കായി ജോബ് സീക്കേഴ്‌സ് മീറ്റ് സംഘടിപ്പിച്ചു; ജില്ലയില്‍ 10000 തൊഴില്‍ ഉറപ്പാക്കും;തൊഴിലന്വേഷകര്‍ക്ക് ഡിഡബ്ല്യുഎംഎസ് പോര്‍ട്ടലില്‍ രജിസ്റ്റര്‍ ചെയ്യാം
ബത്തേരി: 'ഓണത്തിന് ഒരു ലക്ഷം തൊഴില്‍' എന്ന വിജ്ഞാന കേരളം ക്യാമ്പയിന്റെ ഭാഗമായി ജില്ലയില്‍ 10000 തൊഴില്‍ ഉറപ്പാക്കാന്‍ സുല്‍ത്താന്‍ ബത്തേരി ബ്ലോക്ക് പഞ്ചായത്തിന്റെ നേതൃത്വത്തില്‍ ജോബ് സീക്കേഴ്‌സ് മീറ്റ് സംഘടിപ്പിച്ചു.
ബ്ലോക്ക് പഞ്ചായത്ത് െ്രെടസം ഹാളില്‍ ചേര്‍ന്ന തൊഴില്‍ അന്വേഷകരുടെ സംഗമം ബ്ലോക്ക് പഞ്ചായത്ത് പ്രസിഡന്റ് സി അസൈനാര്‍ ഉദ്ഘാടനം ചെയ്തു.
അസാപ്പിന്റെ സഹകരണത്തോടെ തൊഴില്‍ദാതാക്കള്‍ ആവശ്യപ്പെടുന്ന നൈപുണികളില്‍ വിദഗ്ധ പരിശീലനം നല്‍കാന്‍ നാല് ദിവസത്തെ പരിശീലന പരിപാടി സംഘടിപ്പിക്കുമെന്ന് ബ്ലോക്ക് പഞ്ചായത്ത് പ്രസിഡന്റ് അറിയിച്ചു.
ഉദ്യോഗാര്‍ത്ഥികള്‍ക്ക് പ്രാദേശിക തലം മുതല്‍ മികച്ച തൊഴിലവസരങ്ങള്‍ സൃഷ്ടിക്കുകയാണ് ലക്ഷ്യം.
പരിപാടിയില്‍ തൊഴില്‍ അന്വേഷകരെയും തൊഴില്‍ ദാതാക്കളെയും നൈപുണ്യ പരിശീലന സ്ഥാപനങ്ങളെയും ഒരു ഡിജിറ്റല്‍ പ്ലാറ്റ്‌ഫോമില്‍ കൊണ്ടുവരുന്ന ഡിജിറ്റല്‍ വര്‍ക്ക്‌ഫോഴ്‌സ് മാനേജ്‌മെന്റ് സിസ്റ്റം എന്ന ഡിഡബ്യുഎംഎസ് പോര്‍ട്ടലിന്റെ പ്രവര്‍ത്തന രീതി വിജ്ഞാന കേരളം കോ ഓര്‍ഡിനേറ്റര്‍മാര്‍ വിശദീകരിച്ചു.
നിലവില്‍ ജില്ലയില്‍ 35000 ത്തോളം ഉദ്യോഗാര്‍ത്ഥികള്‍ പോര്‍ട്ടലില്‍ രജിസ്റ്റര്‍ ചെയ്തിട്ടുണ്ട്.
18 നും 59 നും ഇടയില്‍ പ്രായമുള്ള അഭ്യസ്തവിദ്യരായ തൊഴിലന്വേഷകര്‍ക്ക് പോര്‍ട്ടലില്‍ രജിസ്റ്റര്‍ ചെയ്യാം.
തൊഴിലന്വേഷകര്‍ക്ക് ആത്മവിശ്വാസത്തോടെ അഭിമുഖത്തില്‍ പങ്കെടുക്കാന്‍ ഗ്രൂപ്പ് ഡിസ്‌കഷന്‍, മോക്ക് ഇന്റര്‍വ്യൂ,
തൊഴിലിടങ്ങളിലെ പരസ്പര ആശയവിനിമയ വൈദഗ്ദ്ധ്യം, ഇംഗ്ലീഷ് ഭാഷ പരിജ്ഞാനം എന്നിവ വികസിപ്പിക്കാന്‍ പ്രത്യേകം തയ്യാറാക്കിയ പേഴ്‌സണാലിറ്റി ഡെവലപ്‌മെന്റ് ട്രെയിനിങ്, ഓണ്‍ലൈനായി ഇംഗ്ലീഷ് ഭാഷ നിലവാരം സൗജന്യമായി പരിശോധിക്കാന്‍
'ഇംഗ്ലീഷ് സ്‌കോര്‍' ടെസ്റ്റ്,
റോബോട്ടിക് ഇന്റര്‍വ്യൂ, തൊഴില്‍ അന്വേഷകന് അവനവന്റെ കഴിവുകളും പോരായ്മകളും മനസ്സിലാക്കി അനുയോജ്യമായ തൊഴില്‍ തെരഞ്ഞെടുക്കുന്നതിന് സഹായകരമാവുന്ന സൈക്കോമെട്രിക് ടെസ്റ്റ്, കരിയര്‍ കൗണ്‍സിലിങ് തുടങ്ങി പുതിയകാലത്തിന്റെ തൊഴില്‍ സങ്കല്‍പങ്ങള്‍ക്കും മാറ്റങ്ങള്‍ക്കും അനുസൃതമായി തൊഴില്‍ അന്വേഷകരെ പരിശീലിപ്പിക്കുന്നതിന് ആവശ്യമായ എല്ലാ സംവിധാനങ്ങളും പോര്‍ട്ടലിലൂടെ ലഭ്യമാക്കും.
സുല്‍ത്താന്‍ ബത്തേരി ബ്ലോക്ക് പഞ്ചായത്ത് സെക്രട്ടറി എ എം ബിജേഷ്, ജനറല്‍ എക്സ്റ്റന്‍ഷന്‍ ഒഫീസര്‍ കെ പി ശിവദാസന്‍,
വിജ്ഞാന കേരളം ജില്ലാ മിഷന്‍ കോര്‍ഡിനേറ്റര്‍ സി എസ് ശ്രീജിത്ത്, അസിസ്റ്റന്റ് കോര്‍ഡിനേറ്റര്‍ ആന്റോ ജോസഫ്, അസാപ് കോര്‍ഡിനേറ്റര്‍ ഷഹന, ബ്ലോക്ക് പഞ്ചായത്ത് അംഗം ഗ്ലാഡിസ് സ്‌കറിയ,
കില കോര്‍ഡിനേറ്റര്‍ ശരത് ചന്ദ്രന്‍
എന്നിവര്‍ പങ്കെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍