വ്യാപാരി ഫെസ്റ്റ് സമ്മാനങ്ങള് വിതരണം ചെയ്തു
പുല്പ്പള്ളി: വയനാട് വ്യാപാരി ഫെസ്റ്റിവലിലൂടെ പുല്പ്പള്ളി പ്രദേശത്ത് വിതരണം ചെയ്ത കൂപ്പണുകള്ക്ക് ലഭിച്ച രണ്ടു സ്കൂട്ടറുകള് വിജയികള്ക്ക് കൈമാറി. കൂടാതെ അപ്പാട് പ്രദേശത്ത് ലഭിച്ച ബുള്ളറ്റ് മോട്ടോര് സൈക്കിളും കൈമാറുകയുണ്ടായി. പുല്പ്പള്ളി വ്യാപാര ഭവനില് വച്ച് നടത്തിയ ചടങ്ങില് സുല്ത്താന് ബത്തേരി എംഎല്എ ഐ.സി. ബാലകൃഷ്ണന് വിതരണ ഉദ്ഘാടനം നിര്വ്വഹിച്ചു. കാക്കവയല് യൂണിറ്റില് വിതരണം ചെയ്ത ടിക്കറ്റിന് ബുള്ളറ്റ് മോട്ടോര്സൈക്കിളും, കല്പ്പറ്റ ടൗണില് നല്കിയ കൂപ്പണുകള്ക്കും,വയനാട് എക്സ്പോയില് വിതരണം ചെയ്ത കൂപ്പണുകള്ക്കുമായി രണ്ട് സ്കൂട്ടറുകളുമാണ് സമ്മാനമായി നല്കിയത്.
ജില്ലാ ജനറല് സെക്രട്ടറി കെ. ഉസ്മാന് സ്വാഗതം ആശംസിച്ച യോഗത്തില് വ്യാപാരി വ്യവസായി ഏകോപന സമിതി ജില്ലാ പ്രസിഡണ്ട് ജോജിന് ടി. ജോയി മുഖ്യപ്രഭാഷണം നടത്തി. പുല്പ്പള്ളി യൂണിറ്റ് പ്രസിഡണ്ടും,ജില്ലാ വൈസ് പ്രസിഡണ്ടുമായ മാത്യു മത്തായി ആതിര അധ്യക്ഷത വഹിച്ച യോഗത്തില് അജിമോന് കെ എസ്, ഇ.ടി. ബാബു,ശിവരാമന് പാറക്കുഴി എന്നിവര് പ്രസംഗിച്ചു.എം.കെ.ബേബി, ഷാജിമോന്,സജി വര്ഗീസ്, വികാസ്, ജോസ് കുന്നത്ത്, അനന്തന് കെ.കെ, പൈലി. പി.എം,പ്രഭാകരന്,ശിവദാസ്, വേണുഗോപാല്,അജേഷ് ലിയോ ടോം,പ്രസന്നകുമാര് എന്നിവര് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്