സ്കൂട്ടര് അപകടത്തില് യുവാവിന് പരിക്ക്
കൊമ്മയാട്: മാനന്തവാടി പനമരം റൂട്ടില് കൊമ്മയാട് ജംഗ്ഷന് സമീപം സ്കൂട്ടര് അപകടത്തില് യുവാവിന് പരിക്കേറ്റു. ആറാംമൈല് മാനാഞ്ചിറ എടവെട്ടന് ഷമീര് (42) നാണ് പരിക്കേറ്റത്. ഇന്ന് വൈകിട്ടായിരുന്നു സംഭവം. കൊമ്മയാട് റോഡില് നിന്നും പ്രധാന റോഡിലേക്ക് സ്കൂട്ടര് ഓടിച്ചു കയറുന്നതിനിടെ കല്പ്പറ്റ ഭാഗത്തേക്ക് പോകുകയായിരുന്ന കെ എസ് ആര് ടി സി ബസ്സിന് മുന്നില് പെടുകയായിരുന്നൂവെന്ന് ദൃക്സാക്ഷികള് പറഞ്ഞു. ബസ് ബ്രേക്ക് ചെയ്തെങ്കിലും നിരങ്ങി നീങ്ങി സ്കൂട്ടറില് തട്ടുകയായിരുന്നു. പരിക്കേറ്റ ഷമീറിനെ ഉടന് തന്നെ വയനാട് മെഡിക്കല് കോളേജില് പ്രവേശിപ്പിച്ചു. തുടര്ന്ന് വിദഗ്ധ പരിശോധനാര്ത്ഥം കോഴിക്കോട് മെഡിക്കല് കോളേജിലേക്ക് റഫര് ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്