കെഎസ്ആര്‍ടിസിയില്‍ വിദ്യാര്‍ത്ഥികള്‍ക്ക് പാസില്ലാത്ത നടപടി പ്രതിഷേധാര്‍ഹം: കെഎസ്യു
കല്‍പ്പറ്റ: കെഎസ്ആര്‍ടിസിയില്‍ വിദ്യാര്‍ത്ഥികള്‍ക്ക് കണ്‍സഷന്‍ പാസ് നല്‍കാതെ വിദ്യാര്‍ത്ഥി വിരുദ്ധ നിലപാടുമായി മുന്നോട്ടു പോകുന്ന സര്‍ക്കാര്‍ നടപടി പ്രതിഷേധാര്‍ഹമാണെന്ന് കെഎസ്യു.മറ്റു ജില്ലകളെ അപേക്ഷിച്ച് വയനാട്ടില്‍ കെഎസ്ആര്‍ടിസിയെ മാത്രം ആശ്രയിച്ച് യാത്ര ചെയ്യുന്ന തോട്ടം തൊഴിലാളികളുടെയും,ഗോത്ര വിഭാഗത്തില്‍ പെട്ടവരുടെയും മക്കള്‍ യാത്രക്കായി ആശ്രയിക്കുന്നത് കെ എസ് ആര്‍ ടിസിയെയാണെന്നും സര്‍ക്കാര്‍ ഈ നിലപാടുമായി മുന്നോട്ടു പോവുകയാണെങ്കില്‍ ശക്തമായി പ്രതിഷേധിക്കുമെന്നും കെഎസ്യു പ്രസ്താവിച്ചു.
സ്‌കൂളില്‍ എത്തിച്ചേരുന്നതിനും മറ്റും വലിയ പ്രയാസമാണ് ഉണ്ടാക്കുന്നത്. ഇത് ജില്ലയിലെ വിദ്യാഭ്യാസ മേഖലയെ തന്നെ വലിയ രീതിയില്‍ ബാധിക്കും. ഉമ്മന്‍ചാണ്ടി സര്‍ക്കാരിന്റെ കാലത്ത് പന്ത്രണ്ടാം ക്ലാസ് വരെയുള്ള വിദ്യാര്‍ത്ഥികള്‍ക്ക് കെഎസ്ആര്‍ടിസിയില്‍ സൗജന്യയാത്ര അനുവദിച്ചിരുന്നു, ഇന്ന് തൊട്ടടുത്തുള്ള സംസ്ഥാനങ്ങളായ കര്‍ണാടകയിലും തമിഴ്‌നാട്ടിലും മറ്റ് സംസ്ഥാനങ്ങളിലും വിദ്യാര്‍ത്ഥികള്‍ക്കും വനിതകള്‍ക്കും സൗജന്യ യാത്ര അനുവദിക്കുന്ന സാഹചര്യത്തിലാണ് കേരളത്തില്‍ വിദ്യാര്‍ത്ഥി വിരുദ്ധ നിലപാടുമായി സര്‍ക്കാര്‍ മുന്നോട്ട് പോകുന്നത് ഈ നിലപാട് സര്‍ക്കാര്‍ തിരുത്തിയില്ലെങ്കില്‍ ശക്തമായ പ്രക്ഷോഭങ്ങള്‍ക്ക് കെഎസ്യു നേതൃത്വം നല്‍കുമെന്ന് കെഎസ്യു വയനാട് ജില്ലാ പ്രസിഡണ്ട് അഡ്വ ഗൗതം ഗോകുല്‍ദാസ്, സംസ്ഥാന കമ്മിറ്റി അംഗങ്ങളായിട്ടുള്ള നിഖില്‍ തോമസ്, സുശോബ് ചെറുകുമ്പം എന്നിവര്‍ അറിയിച്ചു
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍