മൂന്നാഴ്ചയ്ക്കുള്ളില് കൊവിഡ് അതിതീവ്ര വ്യാപന സാധ്യത : മന്ത്രി വീണാ ജോര്ജ്
തിരുവനന്തപുരം: മൂന്നാഴ്ചയ്ക്കുള്ളില് സംസ്ഥാനത്ത് കൊവിഡ് അതിതീവ്ര വ്യാപനത്തിന് സാധ്യതയെന്ന് മന്ത്രി വീണാ ജോര്ജ്. സിപിഐഎം അടക്കം രാഷ്ട്രീയപ്പാര്ട്ടികളുടെ സമ്മേളനങ്ങളില് മാനദണ്ഡങ്ങള് പാലിക്കുന്നുണ്ടോ എന്ന് ഉറപ്പുവരുത്തുമെന്നും മന്ത്രി വ്യക്തമാക്കി.സ്ഥാപനങ്ങളിലാണ് നിലവില് ക്ലസ്റ്ററുകള് രൂപപ്പെട്ടിരിക്കുന്നത്. അതുകൊണ്ട് തന്നെ സ്ഥാപനങ്ങള് കൊവിഡ് പ്രോട്ടോകോള് കര്ശനമായി പാലിക്കണമെന്ന് മന്ത്രി വീണാ ജോര്ജ് നിര്ദേശിച്ചു. സംസ്ഥാനത്ത് 78 ആക്ടീവ് കൊവിഡ് ക്ലസ്റ്ററുകളുണ്ടെന്നും മന്ത്രി അറിയിച്ചു.
സംസ്ഥാനത്ത് മരുന്ന് ക്ഷാമമെന്ന വാര്ത്ത അടിസ്ഥാനരഹിതമാണെന്നും മോണോ ക്ലോണല് ആന്റിബോഡി, റെംഡെസിവര് , റാബിസ് വാക്സിന് ഇവയെല്ലാം ആവശ്യത്തിനുണ്ടെന്നും മന്ത്രി ചൂണ്ടിക്കാട്ടി. വാര്ത്തകള്ക്ക് പിന്നില് മരുന്ന് കമ്പനികളുടെ സമ്മര്ദ്ദമെന്ന് സംശയിക്കുന്നതായും ആരോഗ്യമന്ത്രി പറഞ്ഞു.
അതേസമയം, കൊവിഡ് വ്യാപനം രൂക്ഷമായ പശ്ചാത്തലത്തില് തിരുവനന്തപുരത്ത് കൂടുതല് നിയന്ത്രണം ഏര്പ്പെടുത്തിയിരുന്നു. ജില്ലയില് പൊതുയോഗങ്ങളും ഒത്തുചേരലുകളും നിരോധിച്ചു. വിവാഹ, മരണാന്തര ചടങ്ങുകള്ക്ക് 50 പേര്ക്ക് മാത്രമേ അനുമതിയുള്ളു. നേരത്തെ നിശ്ചയിച്ച യോഗങ്ങളും മാറ്റിവയ്ക്കണമെന്ന് സംഘാടകര്ക്ക് നിര്ദേശം നല്കി. തിരുവനന്തപുരം ജില്ലയില് കര്ശന നിരീക്ഷണത്തിന് സിറ്റി, റൂറല് ജില്ലാ പൊലീസ് മേധാവിമാര്ക്ക് ജില്ലാ കളക്ടര് നിര്ദേശം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്