പൂഞ്ചില് സൈന്യവും ഭീകരരും തമ്മില് ഏറ്റുമുട്ടല്; ഒരു ഭീകരനെ വധിച്ചതായി റിപ്പോര്ട്ട്
ശ്രീനഗര്: പൂഞ്ചില് സൈന്യവും ഭീകരരും ഏറ്റുമുട്ടല്. മൂന്ന് ഭീകരര് ഒളിച്ചിരിക്കുന്നുവെന്ന വിവരത്തെ തുടര്ന്നാണ് പൂഞ്ചിലെ സൂരന്കോട്ടില് സുരക്ഷാ സൈന്യം തിരച്ചില് നടത്തിയത്. തിരച്ചിലിനിടെ ഭീകരര് സൈന്യത്തിന് നേരെ വെടിയുതിര്ക്കുകയായിരുന്നു. വനമേഖയില് നടന്ന ഏറ്റുമുട്ടലില് ഒരു ഭീകരനെ വധിച്ചതായാണ് റിപ്പോര്ട്ട്. കൂടുതല് വിവരങ്ങള് പുറത്തുവിട്ടിട്ടില്ല.
ശ്രീനഗറില് ഭീകരാക്രമണം മൂന്ന് സുരക്ഷാ ഉദ്യോഗസ്ഥര്ക്ക് വീരമൃത്യു
ദില്ലി: ശ്രീനഗര് ഭീകരാക്രമണത്തിന് പിന്നില് ജയ്ഷെ മുഹമ്മദ്ദെന്ന് ജമ്മു കശ്മീര് പൊലീസ് (ഖമാാൗ ഗമവൊശൃ ജീഹശരല) ജയ്ഷെ മുഹമ്മദ്ദിന്റെ ഭാഗമായ കശ്മീര് ടൈഗേഴ്സാണ് ആക്രമണം നടത്തിയതെന്നും പൊലീസ് അറിയിച്ചു. അതേസമയം, ആക്രമണത്തില് പരിക്കേറ്റ ഒരു പൊലീസുകാരന് കൂടി വീരമൃത്യു വരിച്ചു.
ശ്രീനഗറിലെ ഭീകരാക്രമണത്തില് പരിക്കേറ്റ രണ്ട് പൊലീസുകാരുടെ നില ഗുരുതരമായി തുടരുകയാണ്. ഇന്നലെയാണ് ആക്രമണം നടന്നത്. ആക്രമണത്തില് രണ്ട് പൊലീസുകാര് വീരമൃത്യു വരിച്ചിരുന്നു. . പ്രദേശത്ത് അക്രമണം നടത്തിയ ഭീകരര്ക്കായി തെരച്ചില് തുടരുകയാണ് .ഇന്നലെ വൈകുന്നേരം ആറ് മണിയോടെ ശ്രീനഗര് സിവാനിലെ പൊലീസ് ക്യാമ്പിന് സമീപമാണ് ആക്രമണം നടന്നത്. രണ്ടു ഭീകരര് പൊലീസുകാര് സഞ്ചരിക്കുകയായിരുന്ന ബസിന് നേരെ വെടിവെക്കുകയായിരുന്നു. ജമ്മു കശ്മീര് പൊലീസിന്റെ ഒന്പതാം ബറ്റാലിയിലെ പൊലീസുകാരാണ് ബസിലുണ്ടായിരുന്നത്. പരിശീലനത്തിന് ശേഷം ക്യാമ്പിലേക്ക് മടങ്ങുന്നതിനിടെയായിരുന്നു ആക്രമണം.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്