കേന്ദ്ര വാക്സിന് നയത്തിനെതിരെ ഡിവൈഎഫ്ഐ പ്രതിഷേധ ധര്ണ്ണ നടത്തി.
കല്പ്പറ്റ: കേന്ദ്ര വാക്സിന് നയം തിരുത്തുക, വാക്സിന് സൗജന്യവും സാര്വ്വത്രികവുമാക്കുക എന്നീ മുദ്രാവാക്യങ്ങള് ഉയര്ത്തി ഡി.വൈ.എഫ്.ഐ നേതൃത്വത്തിലുള്ള രാജ്യവ്യാപക പ്രക്ഷോഭത്തിന്റെ ഭാഗമായി ജില്ലയില് കേന്ദ്ര സര്ക്കാര് ഓഫീസുകള്ക്ക് മുന്പില് പ്രതിഷേധ ധര്ണ്ണ സംഘടിപ്പിച്ചു. രാജ്യത്തെ യുവതയെ കമ്പോളചരക്കാക്കി വാക്സിന് സ്വകാര്യകുത്തകകള്ക്ക് തീറെഴുതി കൊടുത്ത കേന്ദ്രസര്ക്കാരിന്റെ ജനവിരുദ്ധ നയങ്ങള്ക്കെതിരെയായിരുന്നു ധര്ണ്ണ. കോവിഡ് പ്രോട്ടോക്കോള് പാലിച്ച് ചുരുക്കം പ്രവര്ത്തകര് മാത്രം പങ്കെടുക്കുന്ന നിലയിലാണ് സമരം ഏറ്റെടുത്തത്. കല്പ്പറ്റ ബ്ലോക്ക് കമ്മിറ്റിയുടെ നേതൃത്വത്തില് കല്പ്പറ്റ ടെലഫോണ് എക്സ്ചേഞ്ചിനു മുന്പില് നടന്ന ധര്ണ്ണ ജില്ലാ സെക്രട്ടറി കെ.റഫീഖ് ഉദ്ഘാടനം ചെയ്തു.
ഷെജിന് ജോസ് അദ്ധ്യക്ഷനായി. അര്ജ്ജുന് ഗോപാല് സ്വാഗതവും ബിനീഷ് എന്.വി നന്ദിയും പറഞ്ഞു.പനമരം ബ്ലോക്ക് കമ്മിറ്റിയുടെ നേതൃത്വത്തില് മക്കിയാട് പോസ്റ്റോഫീസിനു മുന്പില് നടത്തിയ ധര്ണ്ണ ജില്ലാ പ്രസിഡണ്ട് കെ.എം.ഫ്രാന്സിസ് ഉദ്ഘാടനം ചെയ്തു. കെ.മുഹമ്മദലി അദ്ധ്യക്ഷനായി. ഇസ്മായില് കെ.കെ സ്വാഗതവും രഗില് പി.ആര് നന്ദിയും പറഞ്ഞു. വൈത്തിരി ബ്ലോക്ക് കമ്മിറ്റിയുടെ നേതൃത്വത്തില് വൈത്തിരി ടെലഫോണ് എക്സ്ചേഞ്ചിനു മുന്പില് നടത്തിയ ധര്ണ്ണ ജില്ലാ ട്രഷറര് എം.വി.വിജേഷ് ഉദ്ഘാടനം ചെയ്തു. ആഷിഖ് സി.എച്ച് അദ്ധ്യക്ഷനായി. എം.രമേഷ് സ്വാഗതവും വിജേഷ് ചന്ദ്രന് നന്ദിയും പറഞ്ഞു.മാനന്തവാടി ബ്ലോക്ക് കമ്മിറ്റിയുടെ നേതൃത്വത്തില് വള്ളിയൂര്ക്കാവ് പോസ്റ്റോഫീനു മുന്പില് നടത്തിയ ധര്ണ്ണ ജില്ലാ ജോയിന്റ് സെക്രട്ടറി കെ.ആര് ജിതിന് ഉദ്ഘാടനം ചെയ്തു. അജിത് വര്ഗ്ഗീസ്സ് അദ്ധ്യക്ഷനായി. എ.കെ.റൈഷാദ് സ്വാഗതവും കെ.വിപിന് നന്ദിയും പറഞ്ഞു.ബത്തേരി ബ്ലോക്ക് കമ്മിറ്റിയുടെ നേതൃത്വത്തില് കല്ലൂര് പോസ്റ്റോഫീസിനു മുന്പില് നടത്തിയ ധര്ണ്ണ ജില്ലാ ജോയിന്റ് സെക്രട്ടറി ലിജോജോണി ഉദ്ഘാടനം ചെയ്തു. നിധിന് കെ.വൈ അദ്ധ്യക്ഷനായി. ലിന്സണ് സ്വാഗതവും പ്രശോഭ് നന്ദിയും പറഞ്ഞു.
