'കര്‍ഷക ജീവിതത്തിന്റെ കാണാപ്പുറങ്ങള്‍ ' പ്രകാശനം ചെയ്തു
ബത്തേരി:റിട്ടയേര്‍ഡ് അദ്ധ്യാപികയായ അന്നക്കുട്ടി പീറ്റര്‍ രചിച്ച 'കര്‍ഷക ജീവിതത്തിന്റെ കാണാപ്പുറങ്ങള്‍ ' എന്ന. പുസ്തകം ബത്തേരി രൂപത അദ്ധ്യക്ഷന്‍ ഡോ:ജോസഫ് മാര്‍ തോമസ് പിതാവിന്റെ അദ്ധ്യക്ഷതയില്‍ ഒ.കെ ജോണി പ്രകാശനം ചെയ്തു.വയനാടിന്റെ രേഖപ്പെടുത്തിയ കാര്‍ഷിക ചരിത്രത്തില്‍ ഇടംപിടിക്കാതെ പോയ അമ്പത്തിയഞ്ചോളം പേരുടെ ജീവിതാനുഭവങ്ങളാണ് രചയിതാവ് ഈ പുസ്തകത്തില്‍ പ്രതിപാദിക്കുന്നത്. വയനാടിന്റെ കാര്‍ഷിക ചരിത്രവും വര്‍ത്തമാനകാലവും രേഖപ്പെടുത്തന്നത് കൂടാതെ മൂന്ന് തലമുറകള്‍ പിന്നിടുന്ന കൃഷിയനുഭവങ്ങളില്‍ ആദിവാസി വിഭാഗങ്ങളുടെ അദ്ധ്വാനവും പങ്കാളിത്തവും എടുത്തു പറയുന്നു.സി.കെ സഹദേവന്‍, കെ.സി റോസക്കുട്ടി ടീച്ചര്‍, അരപ്പറ്റ. സി..എം എസ്. ഹയര്‍ സെക്കണ്ടറി സ്‌കൂള്‍ ഹെഡ് മിസ്ട്രസ്സ് ബിന്ധ്യ ബിനു, ബ്ലസ്സി മരിയ എന്നിവര്‍ ആശംസകള്‍ അര്‍പ്പിച്ച് സംസാരിച്ചു
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍