അനില്‍ കുമാറിന് സ്വീകരണം നല്‍കി
പുല്‍പ്പള്ളി:കോവിഡ് രോഗവിമുക്തനായ പുല്‍പ്പള്ളി കാനറാബാങ്ക് മാനേജര്‍ അനില്‍കുമാറിന് വയനാട് സിറ്റി ക്ലബ്ബിന്റെ ആഭിമുഖ്യത്തില്‍ സ്വീകരണം നല്‍കി. കോവിഡ് രോഗികളോട് പൊതുസമൂഹം സ്വീകരിക്കേണ്ട സ്‌നേഹനിര്‍ഭരമായ നിലപാടുകളെ കുറിച്ച് സ്വന്തം അനുഭവത്തെ മുന്‍നിര്‍ത്തി കോവിഡ് രോഗികള്‍ക്കും അവരുടെ കുടുംബാംഗങ്ങള്‍ക്ക് ബോധവല്‍കരണവും നടത്തി വരുന്ന അനില്‍ കുമാറിന്റെ പ്രവര്‍ത്തനങ്ങളെ മാനിച്ചാണ് സിറ്റി ക്ലബ്ബിന്റെ നേതൃത്വത്തില്‍ ആദരവ് നല്‍കിയത്.രോഗാവസ്ഥയില്‍ കടുത്ത സൈബര്‍ ആക്രമണത്തിനും മാനസിക പീഡനത്തിനും ഇരയായിരുന്നു അദ്ദേഹം. സ്വീകരണത്തില്‍ ജോര്‍ജ് തട്ടാംപറമ്പില്‍ അധ്യക്ഷനായിരുന്നു. കെ ആര്‍ ജയരാജ്, പി എ ഡീവന്‍സ്, കെ കെ സോമനാഥന്‍, എന്‍. സത്യാനന്ദന്‍ എന്നിവര്‍ സംസാരിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍