മീനങ്ങാടി ഗ്രാമപഞ്ചായത്തില്‍ കര്‍ശന നിയന്ത്രണങ്ങള്‍
മീനങ്ങാടി:മീനങ്ങാടി ഗ്രാമപഞ്ചായത്ത് പരിധിയില്‍ മുച്ചക്രം നാലുചക്രം വാഹനങ്ങള്‍ ഉള്‍പ്പടെയുള്ളവയില്‍ നടത്തുന്ന എല്ലാത്തരം വഴിയോര കച്ചവടങ്ങളും ആഗസ്റ്റ് 31 വരെ കര്‍ശനമായി നിരോധിച്ചിരിക്കുന്നു.
*നിരോധനം ലംഘിച്ച് വില്‍പ്പന നടത്തുന്നവരുടെ വാഹനങ്ങള്‍ പിടിച്ചെടുക്കുന്നതും പകര്‍ച്ചവ്യാധി നിരോധന നിയമ പ്രകാരം ഇവര്‍ക്കെതിരെ നടപടികള്‍ സ്വീകരിക്കുന്നതുമാണ്.
*ആവശ്യസാധനങ്ങള്‍ക്കായ് വ്യാപാരസ്ഥാപനങ്ങളില്‍ എത്തുന്നവര്‍ നിര്‍ബന്ധമായും വായും ,മൂക്കും മറയും വിധം മാസ്‌ക് ധരിക്കേണ്ടതും, സാനിറ്റൈസറോ സോപ്പോ ഉപയോഗിച്ച് കൈകള്‍ അണുമുക്തമാക്കേണ്ടതുമാണ്.
*വ്യാപാരസ്ഥാപനങ്ങളിലും, ആളുകള്‍കൂടുന്നിടത്തും ഒരു മീറ്റര്‍ സാമൂഹിക അകലം പാലിക്കുന്നുണ്ടോ എന്ന് സ്ഥാപന ഉടമയും, പൊതുജനങ്ങളും ഉറപ്പു വരുത്തേണ്ടതാണ്.
*10 വയസ്സിനു താഴെയും 60 വയസിനു മുകളിലും പ്രായമുള്ള ആളുകള്‍ വ്യാപാര സ്ഥാപനങ്ങള്‍ സന്ദര്‍ശിക്കാന്‍ പാടുള്ളതല്ല.
*വിവാഹം, മരണാനന്തര ചടങ്ങുകള്‍ തുടങ്ങിയവ നടത്തുന്നതിന് പോലീസിന്റെ മുന്‍കൂര്‍ അനുമതി വാങ്ങേണ്ടതാണ്.
*വീട്ടുകാരെ കൂടാതെ പുറമെനിന്നുള്ള ആളുകള്‍ പങ്കെടുക്കുന്ന എല്ലാ ചടങ്ങുകളെക്കുറിച്ചു മുള്ള വിവരങ്ങള്‍ നിര്‍ബന്ധമായും പോലീസ് സ്‌റ്റേഷനില്‍ അറിയിക്കേണ്ടതാണ്.
*ചടങ്ങുകള്‍ കോവിഡ് മാനദണ്ഡങ്ങള്‍ പാലിച്ചു മാത്രമേ നടത്തുകയുള്ളു എന്ന സത്യവാങ്ങ്മൂലം വീട്ടുകാര്‍ എഴുതി നല്‍കേണ്ടതുമാണ്.
*അന്യസംസ്ഥാനങ്ങളില്‍ നിന്ന് വരുന്ന ചരക്കു വാഹനങ്ങളിലെ തൊഴിലാളികള്‍ ജില്ലാ ഭരണകൂടം ഒരുക്കിയിരിക്കുന്ന വിശ്രമ ഭക്ഷണ താമസ സൗകര്യങ്ങള്‍ ഉപയോഗപ്പെടുത്തേണ്ടതും, ഗ്രാമപഞ്ചായത്ത് പരിധിയിലെ ഹോട്ടല്‍ റെസ്‌റ്റോറന്റ് ഉടമകള്‍ ഈ കാര്യത്തില്‍ ശ്രദ്ധ പതിപ്പിക്കേണ്ടതുമാണ്
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍