കടുവയുടെ ആക്രമണത്തില്‍ വനപാലകര്‍ക്ക് പരിക്ക്
പുല്‍പ്പള്ളി:കടുവയെ തുരത്തുന്നതിനിടെ കടുവയുടെ ആക്രമണത്തില്‍ രണ്ട് വനപാലകര്‍ക്ക് നിസ്സാര പരിക്കേറ്റു.ചെതലയം റെയ്ഞ്ചര്‍ ശശികുമാര്‍, ഡ്രൈവര്‍ മാനുവല്‍ എന്നിവര്‍ക്കാണ് പരിക്കേറ്റത്.ഇന്ന് വൈകിട്ട് 6 മണിയോടെ വീട്ടിമൂല ചങ്ങംബം വച്ചായിരുന്നു ആക്രമണമുണ്ടായത്. പരിക്കേറ്റ ഇവരെ ബത്തേരി താലുക്ക് ആശുപത്രിയില്‍ പ്രവേശിപ്പിച്ചു. ഇന്നലെ പള്ളിച്ചിറ രാമകൃഷ്ണന്റെ തൊഴുത്തില്‍ കെട്ടിയ പശു കിടാവിനെ കടുവ ആക്രമിച്ച് കൊന്നിരുന്നു. ഇതിനെ തുടര്‍ന്ന് വനം വകുപ്പ് ക്യാമറ സ്ഥാപിച്ചിരുന്നു. എന്നാല്‍ കടുവയുടെ സാന്നിധ്യം പ്രദേശത്ത് ഉണ്ടെന്ന് കണ്ടെത്തിയതിനെ തുടര്‍ന്ന് വനം വകുപ്പിന്റെ കുടുതല്‍ സംഘം സ്ഥലത്തെത്തി പ്രത്യേക സ്‌ക്വഡുകളായി തിരിഞ്ഞ് കടുവയെ കൃഷിയിടത്തില്‍ നിന്ന് ഉള്‍വനത്തിലേക്ക് തുരുത്തുന്ന തിനിടെയാണ് അപ്രതിക്ഷിതമായി കടുവ വനപാലകരെ ആക്രമിച്ചതെന്നാണ് പറയുന്നത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍