ഫോറസ്റ്റ് ഓഫീസിന് മുമ്പില്‍ ധര്‍ണ്ണ നടത്തി
പുല്‍പ്പള്ളി:വന്യമൃഗ ശല്യത്തിന് ശാശ്വത പരിഹാരം കാണുക,കര്‍ഷകര്‍ക്ക് മതിയായ നഷ്ടപരിഹാരം നല്‍കുക,കാടും,നാടും വേര്‍തിരിക്കുക എന്നീ ആവശ്യങ്ങള്‍ ഉന്നയിച്ചുകൊണ്ട് യൂത്ത് കോണ്‍ഗ്രസ് മൂഴിമല വാര്‍ഡ് കമ്മിറ്റിയുടെ നേതൃത്വത്തില്‍ പുല്‍പ്പള്ളി റെയ്ഞ്ച് ഫോറസ്റ്റ് ഓഫീസിന് മുമ്പില്‍ ധര്‍ണ്ണ നടത്തി.കാപ്പിക്കുന്നില്‍ നിന്ന് അഞ്ച് കിലോമീറ്ററോളം കാല്‍നടയായി സഞ്ചരിച്ചാണ് പ്രവര്‍ത്തകര്‍ ധര്‍ണ്ണ സമരത്തിനെതിയത്. വന്യമൃഗങ്ങളുടെ ആക്രമണത്തില്‍ മരണപ്പെട്ടവര്‍ക്ക് നഷ്ടപരിഹാരം കൊടുക്കുന്ന പ്രവര്‍ത്തി മാത്രമാണ് വനംവകുപ്പ് ഉദ്യോഗസ്ഥര്‍ വയനാട് ജില്ലയില്‍ നടത്തുന്നതെന്നും കര്‍ഷകരുടെ ജീവനും കാര്‍ഷികവിളകളും രക്ഷിക്കാനുള്ള ഇടപെടലുകളാണ് ഫോറസ്റ്റ് വകുപ്പ് നടത്തേണ്ടതെന്ന് യൂത്ത് കോണ്‍ഗ്രസ് ജില്ലാ പ്രസിഡന്റ് സംഷാദ് മരക്കാര്‍ ആവശ്യപ്പെട്ടു. യൂത്ത് കോണ്‍ഗ്രസ് മൂഴി മല വാര്‍ഡ് കമ്മിറ്റി നടത്തിയ പുല്‍പ്പള്ളി ഫോറസ്റ്റ് റേഞ്ച് ഓഫീസ് മാര്‍ച്ച് ഉദ്ഘാടനം നടത്തി സംസാരിക്കുകയായിരുന്നു അദ്ദേഹം. സിജു പൗലോസ് തോട്ടത്തില്‍ അധ്യക്ഷത വഹിച്ചു. സിറിള്‍ ജോസ്, ലയണല്‍ മാത്യു, നിഖില്‍ തോമസ്, അഭിലാഷ് ജോര്‍ജ്, ശ്രീജിത്ത്, സജി റെജി ജയ്‌സണ്‍ തുടങ്ങിയവര്‍ സംസാരിച്ചു
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍