ഹൈവേ കവര്‍ച്ച;പ്രതികള്‍ അറസ്റ്റില്‍
മീനങ്ങാടി:മൈസൂരുവില്‍ സ്വര്‍ണം വിറ്റ് മടങ്ങുകയായിരുന്ന യുവാക്കളുടെ വാഹനം പിന്തുടര്‍ന്ന് ഹൈവേ കവര്‍ച്ച നടത്തിയ സംഘത്തിലെ പതിനാല് പേരെ മീനങ്ങാടി സി.ഐ അബ്ദുല്‍ ഷരീഫും സംഘവും, വൈത്തിരി എസ്.ഐ ജിതേഷും സംഘവും വിവിധയിടങ്ങളില്‍ നിന്നായി അറസ്റ്റ് ചെയ്തു.വെങ്ങപ്പള്ളി സ്വദേശികളെയാണ് മാരകായുധങ്ങളുമായെത്തിയ 15 അംഗ സംഘം അക്രമിച്ച് പണം കവര്‍ന്നത്. ഏതാണ്ട് 17 ലക്ഷം രൂപയോളം കവര്‍ച്ച ചെയ്യപ്പെട്ടതായാണ് വിവരം. യുവാക്കളുടെ വാഹനത്തെ പിന്തുടര്‍ന്ന സംഘം മീനങ്ങാടി കുട്ടിരായിന്‍ പാലത്തിനടുത്ത് ദേശീയ പാതയില്‍ വെച്ചാണ് കവര്‍ച്ച നടത്തിയത്.സംഭവത്തില്‍ തൃശൂര്‍ സ്വദേശികളായ സജിത്ത് (33), നിഷാദ്(27), വിഷ്ണു (സലിം അബ്ദുല്ല27), വിപിന്‍ (അപ്പൂസ് 26), വിപിന്‍ (26), ജിജോഷ്(42) , റിജോ (30), ദിലി (27), രാഹുല്‍ (28), നിതീഷ് (29), അഭിലാഷ് (32), സായൂജ് (28), സുധാകരന്‍ (39) തുടങ്ങി 14 പേരെയാണ് അറസ്റ്റ് ചെയ്തത്. കേസില്‍ കുടുതല്‍ പ്രതികളുടെ അറസ്റ്റ് അടുത്ത ദിവസങ്ങളില്‍ ഉണ്ടാകുമെന്ന് ജില്ലാ പൊലീസ് മേധാവി അറിയിച്ചു.ഇന്നലെ രാത്രി ഒന്‍പതോടെ പ്രതികളുടെ അറസ്റ്റ് രേഖപ്പെടുത്തി.തൃശ്ശൂര്‍ ജില്ലയിലും മറ്റും സമാനമായ കേസുകളിലെ പ്രതികളാണിവര്‍. പ്രതികളെ ഇന്ന് കോടതിയില്‍ ഹാജരാക്കും
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍