ശാസ്ത്ര സാക്ഷരതാ പ്രഖ്യാപനം നടത്തി
മീനങ്ങാടി: മീനങ്ങാടി ഗവ.ഹയര്സെക്കണ്ടറി സ്കൂളിലെ എന്.എന്.എസ് യൂണിറ്റ് ആവിഷ്കരിച്ചു നടപ്പിലാക്കിയ 'ടെല് ഫോര് എസ്.ഡി' പദ്ധതിയുടെ ഭാഗമായ ശാസ്ത്ര സാക്ഷരതാ പ്രഖ്യാപനം പ്രിന്സിപ്പാള് ഷിവി കൃഷ്ണന് നിര്വ്വഹിച്ചു. പി.ടി.എ പ്രസിഡണ്ട് മനോജ് ചന്ദനക്കാവ് അധ്യക്ഷത വഹിച്ചു. എസ്.എം.സി ചെയര്മാന് ടി.എം ഹൈറുദ്ദീന്, എന്.എസ്.എസ് പ്രോഗ്രാം ഓഫീസര് ഡോ.പി.ശിവപ്രസാദ്, ഡോ.ബാവ കെ. പാലുകുന്ന്, വി.വി സുരേഷ്, സി.ജബ്ബാര്, സന്ധ്യ, അല്ഫിയ ജുമാന, മിന്സ് തേരി, ബിയോണ് എല്ദോ എന്നിവര് പ്രസംഗിച്ചു. പരിസ്ഥിതിക്ക് ആഘാതമേല്പിക്കാതെ സുസ്ഥിരവികസനം സാധ്യമാക്കുക എന്ന ലക്ഷ്യത്തോടെ നടപ്പിലാക്കിയ പദ്ധതിയാണ് 'ടെല് ഫോര് എസ്.ഡി.' പ്ലാസ്റ്റിക് നിര്മാര്ജ്ജനം, മാലിന്യ സംസ് ക്കരണം, ജൈവ പച്ചക്കറിക്കൃഷി പ്രോത്സാഹനം, ഊര്ജ്ജ സംരക്ഷണം, രോഗപ്രതിരോധം, ലഹരി നിര്മാര്ജ്ജനം എന്നിങ്ങനെ ആറു വിഷയങ്ങളില് പഞ്ചായത്തിലെ അഞ്ഞൂറ് വീടുകള് കേന്ദ്രീകരിച്ച് ബോധവത്ക്കരണം നടത്തി. ഒരു വര്ഷം നീണ്ട പ്രവര്ത്തനങ്ങളില് ഓരോ എന്.എസ്.എസ്. വളണ്ടിയറും പത്തു വീടുകളുടെ വീതം മേല്നോട്ട ചുമതല നിര്വ്വഹിച്ചിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്