യുവാവിന്റെ മരണം; പാമ്പുകടിമൂലമെന്ന് സ്ഥിരീകരണം
തൊണ്ടര്നാട്: വീടിനുള്ളില് മരിച്ച നിലയില് കണ്ടെത്തിയ യുവാവിന്റെ മരണം പാമ്പ് കടിയേറ്റതാണെന്ന് സ്ഥിരീകരണം. തൊണ്ടര്നാട് പുതുശ്ശേരി താഴെ തരുവണമിറ്റം 'ഉന്നതി'യിലെ സുനില് (32) ആണ് മരിച്ചത്. കഴിഞ്ഞ ദിവസം ഉച്ചയോടെയാണ് സുനിലിനെ വീടിനുള്ളില് അബോധാവസ്ഥയില് കണ്ടെത്തിയത്. ഉടന് തന്നെ വയനാട് മെഡിക്കല് കോളേജ് ആശുപത്രിയില് എത്തിച്ചെങ്കിലും മരണം സ്ഥിരീകരിക്കുകയായിരുന്നു. മരണത്തില് സംശയം തോന്നിയതിനെത്തുടര്ന്ന് ഇന്ന് നടത്തിയ പോസ്റ്റ്മോര്ട്ടത്തിലാണ് പാമ്പ് കടിയേറ്റതാണ് മരണകാരണമെന്ന് വ്യക്തമായത്.സുനിലിന്റെ കാലിനടിയില് പാമ്പുകടിച്ച പാടുകളും കണ്ടെത്തിയിട്ടുണ്ട്. തൊഴിലുറപ്പ് തൊഴിലാളിയായ സുനിലിന് ജോലിക്കിടയിലോ മറ്റോ പാമ്പുകടിയേറ്റിരിക്കാമെന്നാണ് കരുതുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്