തൊഴിലാളികളുടെ അവകാശങ്ങള് ഹനിക്കുന്നതിനെതിരെപോരാട്ടം അനിവാര്യം: പി.പി ആലി
കല്പ്പറ്റ: കേന്ദ്ര സര്ക്കാരിന്റെ തൊഴിലാളി വിരുദ്ധ നയങ്ങള് മൂലം കാലങ്ങളായി തൊഴിലാളികള് പോരാട്ടം നടത്തി നേടി അനുഭവിച്ചു വരുന്ന അവകാശങ്ങള് നിഷേധിക്കുന്നതിനെതിരെ തൊഴിലാളി സമൂഹം ഒറ്റക്കെട്ടായി പ്രക്ഷോഭത്തിന് നേതൃത്വം നല്കേണ്ടി വരുന്ന സാഹചര്യമാണ് രാജ്യത്ത് നിലനില്ക്കുന്നത് എന്നും അവകാശങ്ങള് ഹനിക്കുന്നതിനെതിരെ ശക്തമായ പ്രക്ഷോഭത്തിന് നേതൃത്വം നല്കുക എന്നത് കാലഘട്ടത്തിന്റെ അനിവാര്യതയാണെന്നും ഐഎന്ടിയുസി ജില്ലാ പ്രസിഡണ്ട് പി.പി ആലി. ഐഎന്ടിയുസി ജില്ലാ കമ്മിറ്റിയുടെ നേതൃത്വത്തില് ജില്ലയിലാകമാനം നടന്ന ഐഎന്ടിയുസിയുടെ 79-ാമത് ജന്മദിനാഘോഷ പരിപാടികളുടെ ജില്ലാതല ഉദ്ഘാടനം കല്പ്പറ്റയില് നിര്വഹിച്ചുകൊണ്ട് സംസാരിക്കുകയായിരുന്നു അദ്ദേഹം. സി ജയപ്രസാദ് അധ്യക്ഷനായിരുന്നു.
കെ കെ രാജേന്ദ്രന്, ഹര്ഷല് കോന്നാടന്, എസ് മണി, ആര് ഉണ്ണികൃഷ്ണന്, സെബാസ്റ്റ്യന് കല്പ്പറ്റ,രമേശ് മാണിക്യം, ബിന്ദു ജോസ്, കെ മഹേഷ്, സുരേഷ് പുല്പ്പാറ, സുനീര് ഇത്തിക്കല്, കെ വാസു, തുടങ്ങിയവര് പ്രസംഗിച്ചു. ജില്ലയിലെ വിവിധ കേന്ദ്രങ്ങളില് പതാക ഉയര്ത്തുകയും, കേക്ക് മുറിക്കുകയും,മധുരം വിതരണം ചെയ്യുകയും ചെയ്തു.
ഫോട്ടോ അടിക്കുറിപ്പ്01,02,03
മൊതക്കര മാനിയില് ബ്രദേഴ്സ് ആര്ട്സ് ആന്റ് സ്പോര്ട്സ് ക്ലബ്ബ് സംഘടിപ്പിച്ച 'കാളിക 2സ26' അഖില വയനാട് കൈകൊട്ടിക്കളി മത്സരത്തില് ഒന്നാം സ്ഥാനം നേടി കൊളങ്ങോട് ജ്ഞാനോദയ വായനശാലയുടെ ടീം ബാംസുരി. അമൃത, സുനിത , സൂര്യ, അഞ്ജന , അനില, അശ്വതി , ശ്രീകല, ഇന്ദു എന്നിവരടങ്ങിയ ടീമാണ് മത്സരത്തില് പങ്കെടുത്തത്. ആകെ 20 ടീമുകള് പങ്കെടുത്ത മത്സരത്തില് ഒന്നാം സ്ഥാനത്ത് എത്തിയ സംഘത്തിന് 20,000 രൂപയും, ട്രോഫിയും സമ്മാനമായി ലഭിച്ചു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്