കുടക് എരുമാട് മഖാം ഉറൂസ് ഏപ്രില് 17 മുതല് 24 വരെ
കല്പ്പറ്റ: ചരിത്രപ്രസിദ്ധമായ കുടക് ജില്ലയിലെ എരുമാട് മഖാം ഉറൂസ് മുബാറക്ക് ഏപ്രില് 17 മുതല് 24 വരെ നടക്കും. ഏപ്രില് 17ന് ജുമുഅ നമസ്കാരത്തിന് ശേഷം എരുമാട് താജുല് ഇസ്ലാം മുസ്ലിം ജമാഅത്ത് പ്രസിഡന്റ് ഹുസൈന് സഖാഫി പതാക ഉയര്ത്തും. സമസ്ത കേരള ജംഇയ്യത്തുല് ഉലമ പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള് ഉദ്ഘാടനം ചെയ്യുമെന്ന് ഭാരവാഹികള് അറിയിച്ചു. ഏപ്രില് 20 ന് ആണ് പ്രധാന ഉറൂസ്. ഉച്ചയ്ക്ക് 12 ന് നടക്കുന്ന പരിപാടി കര്ണാടക മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യും. പാണക്കാട് സയ്യിദ് സാദിഖലി ശിഹാബ് തങ്ങള് അധ്യക്ഷത വഹിക്കും. ഗ്രാന്ഡ് മുഫ്തി ഓഫ് ഇന്ത്യ സുല്ത്താനുല് ഉലമ കാന്തപുരം എ പി അബൂബക്കര് മുസ്ലിയാര് മുഖ്യപ്രഭാഷണം നടത്തും.ഒരു ലക്ഷം പേര്ക്കുള്ള അന്നദാനം ഉറൂസിന്റെ പ്രധാന പ്രത്യേകതയാണ്.24 ന് നടക്കുന്ന സമാപന സമ്മേളനം ഹുസൈന് സഖാഫി ചുള്ളിക്കോട് ഉദ്ഘാടനം ചെയ്യും. മഹല്ല് ജമാഅത്ത് ട്രഷറര് കൂര്ളി മജീദ്, ജലീല് സഖാഫി വെള്ളിലാടി , സി.യു. അബൂബക്കര് മുസ്ല്യാര് എന്നിവര് വാര്ത്താ സമ്മേളനത്തില് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്