പണിമുടക്ക് ഫലത്തില് ഹര്ത്താല്
മാനന്തവാടി: ലേബര് കോഡുകള് ഉള്പ്പെടെയുള്ള കേന്ദ്ര നിയമങ്ങള്ക്കെതിരെ വിവിധ ട്രേഡ് യൂണിയനുകള് ആഹ്വാനം ചെയ്ത 24 മണിക്കൂര് പണിമുടക്ക് വയനാട്ടില് പൂര്ണ്ണം. ബുധനാഴ്ച അര്ധരാത്രി മുതല് വ്യാഴാഴ്ച അര്ധരാത്രി വരെയാണ് പണിമുടക്ക്. സിഐടിയു അടക്കം 10 കേന്ദ്ര ട്രേഡ് യൂണിയനുകളാണ് പണിമുടക്കിന് ആഹ്വാനം ചെയ്തത്.
മാനന്തവാടിയിലും മറ്റും കടകളെല്ലാം തന്നെ അടഞ്ഞുകിടക്കുകയാണ്. ചിലയിടത്ത് മത്സ്യ മാംസ കടകള് പ്രവര്ത്തിച്ചെങ്കിലും പൂട്ടാന് നിര്ദേശിച്ചതായി പറയുന്നുണ്ട്. കോഴിക്കടകളിലേക്ക് കോഴികളെ വിതരണം ചെയ്യരുതെന്ന് പറഞ്ഞതായും ചിലകച്ചവടക്കാര് പറഞ്ഞു. ചുരുക്കം ചില സ്വകാര്യ വാഹനങ്ങള് മാത്രമാണ് രാവിലെ നിരത്തിലിറങ്ങിയിട്ടുള്ളൂ. പണിമുടക്കിനെ കുറിച്ച് കൂടുതല് വ്യക്തതയില്ലാത്ത അതിഥി തൊഴിലാളികളടക്കമുള്ളവരും വലഞ്ഞു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്